+Blog editado en Foz (Lugo) por Mar Corbelle Valiño

Este blog quere ser educativo e , polo tanto, formar aos usuarios no respecto pola propiedade intelectual e os dereitos de autor. Tódolos vídeos, textos e imaxes que aparecen teñen como único fin educar aos nosos alumnos no respecto polo traballo alleo. Se en algún momento alguén considera que se vulneran os seus dereitos ,pode poñerse en contacto con nós e procederemos a eliminar inmediatamente o texto ou imaxen con dereitos de autor.

30/03/2013

1853: Nace Van Gogh.

O 30 de marzo de 1853 nacía o pintor holandés Vincent Van Gogh. Empezou retratando as miserias da clase obreira, sobre todo dos mineiros. Despois viaxou a París e coñeceu aos impresionistas. Máis tarde trasladaríase a Arles onde deu forma ao seu propio estilo cheo de cor e cargado de expreisón. En 1890, logo dunha vida tortuosa e de varios  intentos fallidos de suicidio, quitouse a vida en Auvers-sur-Oise. Entre os seus títulos podemos destacar Noite estrelada, A igrexa de Auvers, Os xirasoles, Autorretrato, A habitación do pintor en Arles, Comedores de patacas,  etc.
 No seguinte vídeo faise un repaso pola súa obra:




A súa vida foi tan intensa e especial que deu tema para varias películas. Velaí a extraordinaria versión que Akiro Kurosawa fixo da obra de Van Gogh na súa película Soños. 


29/03/2013

1973: O último marine americano abandona Vietnam.

Foto: Horts Faas
Horts Faas
Horts Faas

O 29 de marzo de 1973  salía de Vietnam o último Marine de EE.UU., despois de ter ocupada  militarmente Vietnam durante 10 anos. Naquela guerra morreron uns 57000 soldados USA e máis de dous millóns de vietnamitas. De volta á casa foron centos de miles os soldados americanos que chegaron feridos no seu corpo e na súa alma, a maioría adictos ás drogas e con moitos e graves problemas para adaptarse á volta á casa e á vida civil.
O pobo americano , humillado e farto da sangría que supuxo esta guerra entre os seus xóvenes, botouse á rúa e protagonizou algunhas das manifestacións antibelicistas máis recordadas da historia recente. Vietnam foi o punto de arranque do movemento pacifista americano que se veu respaldado por moitas figuras públicas que non vían con bos ollos o que estaba acontecendo no país asiático.
Este episodio da historia dos EE.UU. , vergoñento pola derrota e polas masacres perpetradas, deu  tema para moreas de películas, entre as máis valoradas atópanse: Platoon, Apocalyppse Now, A chaqueta metálica, Forrest Gump, Cando eramos soldados, O cazador, Good morning , Vietnam, Nado o catro de xullo, etc...

Corenta anos despois as imaxes aínda permanecen na nosa memoria, as súas consecuencias, tamén.
Triste aniversario dunha derrota vergoñenta.

O Danubio Azul

Unha xoia da música acompañada duns debuxos xeniais.

28/03/2013

1943 : Morre o pianista Rachmaninov.

O 28 de marzo de 1943 morría en Los Ángeles (EE.UU.) o pianista e compositor ruso Sergei Vassilievich Rachmaninov. Foi considerado un dos máis grandes representantes do postromanticismo, discípulo de Tchaikovski. Entre as súas obras destacan o poema sinfónico A illa dos mortos, tres sinfonías, dous preludios, catro concertos para piano e orquestra, e as óperas O cabaleiro avarento e Aleko.
Velaí un exemplo da súa arte:


27/03/2013

1972: Morre Escher, o xenio dos mundos imposibles.

Autorretrato.
O 27 de marzo de 1972 morría o artista  Maurits Cornelis Escher. Escribiu unha páxina xenial na historia da arte cos seus grabados e debuxos. Foi un creador incrible de escenarios imposibles, de xogos visuais e debuxos complexos . Na  súa técnica destaca a falsa perspectiva e  a visión alternativa no emprego do branco e o negro  como tonos dominantes. Entre as súas obras destacan Ceo e terra ou A banda de Moebius.

No seguinte enlace podes buscar algunhas das súas obras:

Este vídeo tamén mostra algúns dos seus traballos:

26/03/2013

1918: Morre Claude Debussy.

O 25 de marzo de 1918 morría en París o compositor francés Claude-Achille Debussy. É considerado un dos creadores do impresionismo musical. Entre as súas obras máis importantes  citaremos : o poema O mar, Cuarteto de Corda, a ópera Peleas e Melisante ou Nocturnos para orquestra.

No seguinte vídeo podemos disfrutar do primerio movemento de O mar:

25/03/2013

1808: Nace Espronceda.


O 25 de marzo de 1808 nacía en Almendralejo (Badajoz) o  escritor José de Espronceda. Empezou no mundo da Literatura cunha novela hsitórica, Sancho Saldaña o el castellano de Cuéllar, despois escribiu algunha obra teatral como Ni el tío ni el sobrino ou Amor venga agravios. Sen dúbida, o seu renome débello ás súas Poesías, entre as que  hai títulos tan sonados como "Himno al Sol", "La canción del pirata", "El verdugo",etc. Quizás a súa obra máis orixinal sexa El estudiante de Salamanca, basado nunha lenda tradicional; pero a súa obra maestra é El diablo mundo, un poema filosófico que deixou sen rematar e no que se inclúe o famoso "Canto a Teresa".
Neste enlace http://www.poemasde.net/poesia/jose-de-espronceda/ podes ler os seus poemas.
Eis unha versión da súa "Canción del pirata":

1458: Morre o Marqués de Santillana.

O 25 de marzo de 1458 morría en Guadalajara o escritor Íñigo López de Mendoza, Marqués de Santillana. Foi un escritor humanista, moi culto e gran coñecedor das literaturas provenzal, italiana e francesa. Está considerado como un dos grandes mestres da literatura española do século XV. Entre as súas obras máis importantes podemos citar  42 Sonetos fechos al itálico modo, Infierno de los enamorados, La comedieta de Ponza, Diálogo de Bías contra Fortuna, Doctrinal de Privados, etc. Pero, realmente, a obra que o fixo máis coñecido foi Serranillas, un libro de composicións poéticas de inspiración popular e con claros elementos de inspiración provenzal. 
No seguinte enlace podes ler algúns dos seus poemas:

1973: O último Marine americano abandona Vietnam.


Fotografías de Horts Faas.
Horts Faas.
Famosa fotografía de Paul Schutzers.
O 29 de marzo de 1973  salía de Vietnam o último Marine de EE.UU., despois de ter ocupada  militarmente Vietnam durante 10 anos. Naquela guerra morreron uns 57000 soldados USA e máis de dous millóns de vietnamitas. De volta á casa foron centos de miles os soldados americanos que chegaron feridos no seu corpo e na súa alma, a maioría adictos ás drogas e con moitos e graves problemas para adaptarse á volta á casa e á vida civil.
O pobo americano , humillado e farto da sangría que supuxo esta guerra entre os seus xóvenes, botouse á rúa e protagonizou algunhas das manifestacións antibelicistas máis recordadas da historia recente. Vietnam foi o punto de arranque do movemento pacifista americano que se veu respaldado por moitas figuras públicas que non vían con bos ollos o que estaba acontecendo no país asiático.
Este episodio da historia dos EE.UU. , vergoñento pola derrota e polas masacres perpetradas, deu  tema para moreas de películas, entre as máis valoradas atópanse: Platoon, Apocalyppse Now, A chaqueta metálica, Forrest Gump, Cando eramos soldados, O cazador, Good morning , Vietnam, Nado o catro de xullo, etc...

Corenta anos despois as imaxes aínda permanecen na nosa memoria, as súas consecuencias, tamén.
Triste aniversario dunha derrota vergoñenta.

24/03/2013

1882: Koch descubre o bacilo da tuberculose.

Bacilo de Koch.
O 24 de marzo de 1882 Heinrich Hermann Robert Koch presenta os seus descubrimentos sobre o bacilo da tuberculose. Posteriormente tamén descubriría o bacilo da cólera. Estes achádegos valeríanlle o Premio Nobel de Medicina en 1905. No mundo da ciencia é considerado o fundador da bacterioloxía. 
Ademais, é autor dos Postulados de Koch que establecen as condicións  que ha de cumplir un organismo para ser considerado o causante dunha enfermidade.
Precisamente como homenaxe ao descubrimento de Koch , celébrase hoxe o Día Mundial da Tuberculose.