1955: Rosa Parks négase a levantarse no autobús.

O 1 de decembro de 1955 Rosa Loise Mc Cailey, Rosa Parks, muller de raza negra, negouse a levantarse do seu asento no autobús para deixarlle o sitio a un blanco. Este xesto tan sinxelo cambiou a historia dos dereitos civís en EE.UU. Foi levada á cadea por este "delito", pero Martin Luther King, que sería un líder antirracista, empezou unha serie de protestas contra os autobuses públicos de Montgomery. Este foi o xerme dunha riada de protestas contra a segregación racial .

ABRAZO, curta de animación.

O poder sanador dunha aperta desde o fondo da alma:

1935: Morre Pessoa.

Fernando Pessoa

O 30 de novembro de 1935 morría en Lisboa o poeta luso Fernando Pessoa, unha das voces máis importantes da literatura en lingua portuguesa.  A partir de 1914 empezou a crear heterónimos, é dicir, persoaxes ficticios aos que Pessoa lles atribúe os seus escritos, por exemplo, Alberto Caeiro, Álvaro de Campos ou Ricardo Reis. A maior parte da súa obra foi publicada postumamente: Poesías de Álvaro de Campos, Poesía de Fernando Pessoa, Odas de Ricardo Reis, etc.

No enlace que aparece a continuación podes ler algúns dos seus poemas traducidos ao castelán: http://www.amediavoz.com/pessoa.htm, e outro para lelos en portugués: http://marmaquinandonotempo.blogspot.com.es/

E aquí un vídeo cun poema seu en portugués, seguro que o entendes todo, somos galegos, falamos galego, o portugués é moi parecido:

1835: Nace Mark Twain.

O 30 de novembro de 1835 nacía en Missouri (EE.UU.) o escritor Samuel Langhorne Clemens, coñecido como Mark Twain.  Traballou nos máis diversos oficios ao longo da súa vida, todos eles o enriqueceron como persoa e aportáronlle valiosas experiencias para a súa obra literaria. Ten tres títulos fundamentais: Vida no Mississippi, Tom Sawyer e Huckleberry Finn, nas que reflexa a súa infancia a carón do río Mississippi. Tamén é seu o libro Un ianqui na corte do rei Arturo,  ambientada na Inglaterra medieval.

Neste enlace atoparás algunhas frases súas: http://www.proverbia.net/citasautor.asp?autor=1003

1924: Morre Puccini.

O 29 de novembro de 1924 morría en Bruselas o compositor italiano Giacomo Puccini.  É un dos máximos representantes do verismo na ópera italiana. Entre os seus títulos destacan: Manon Lescaut,  Le Villi, La Bohème, Tosca, Madame Butterfly, etc.
Aquí vai un fragmento de Madame Butterfly na voz de Maria Callas, unha xoia!!!
Se non a escoitas , non podes dicir que non che gusta.

1832: Nace a autora de "Mujercitas"

O 29 de novembro de 1832 nacía en  Pensilvania (EE.UU.) Loisa May Alcott, novelista. Foi unha gran loitadora e participou nas campañas abolicionistas e na loita polo dereito ao voto da muller. En 1868 publicou unha novela que marcaría a historia de moitas xeracións, Little women , xa que en 1933 G.Cukor levouna o cine e foi todo un éxito . A novela encádrase dentro da literatura xuvenil e a película é para tódolos públicos.Non a viches aínda? Non te preocupes cada ano nas vacacións de Nadal hai algunha televisión que a pon. 

Alcott tamén escribiu Homiños, Baixo as lilas e Os rapaces de Jo, ademais dun relato gótico titulado A muller de mármore e unha novela inédita ata 1994, Cacería de amor longo e fatal.

Este é o trailer da película orixinal, pero hai versións posteriores, claro.

1912: Nace Granell.

O 28 de novembro de 1912 nacía o coruñés Eugenio Fernández Granell. Foi un recoñecido músico, escritor e pintor escultor,cineasta , aínda que é a pintura a que lle deu máis sona.

Pasou gran parte da súa vida no exilio pola súa ideoloxía , voltou a España en 1985.

A Fundación Eugenio Granell, en Santiago de Compostela, encárgase de conservar e promocionar o seu legado.

Neste enlace tes acceso á Fundación Granell: http://www.fundacion-granell.org/actualidad/index.php.

E neste vídeo podes ver algún dos seus cadros:

Mantenga limpia España.

Un anuncio do goberno de Franco para convencer a poboación na necesidade de "ser limpos". Ti que fas?

Toupa

1895: Morre Alexandre Dumas(fillo)

O 27 de novembro de 1895 morría en Versalles (Francia) o escritor francés Alexandre Dumas, fillo do escritor do mesmo nome. O pai fixérase famoso con obras como Os tes mosqueteiros ou O Conde de Montecristo. O fillo entrou na literatura coa obra  Aventura de catro mulleres e un papagaio, pero foi a súa novela A dama das camelias a que o fixo inmortal .Primeiro apareceu como novela , pero despois  fíxose unha adaptación para a ópera A Traviata de Giuseppe Verdi; xa no século XX foi adaptado ao cine ( Camille) , o teatro  e o ballet.

A flor máis grande do mundo. José Saramago.

Ás veces os pequenos xestos teñen grandes consecuencias. Se todos nos adicaramos a carrexar pingas de auga ,as flores serían máis fermosas e grandes. Unha metáfora da vida para aprender unha boa lección. Disfruta da curta: 

1942: Estréase "Casablanca".

O 26 de novembro de 1942 estreábase en New York a película Casablanca, sen dúbida, unha das películas máis importantes da historia do cine. Os protagonistas erah Humphrey Bogart e Ingrid Bergman e o director, Michael Curtiz. A música estaba composta por un dos grandes da historia da música, Max Steiner; a súa banda sonora será eterna. Está basada nunha obra teatral que nunca chegou a interpretarse, Everybody comes to Rick's. Foi  premiada con tres Óscar .

Tes que vela. De momento, aí che vai unha das súas escenas máis famosas:

25 de novembro: Día contra a violencia de xénero.

Pensa un pouco no triste que é que haxa que ter un día contra a violencia de xénero. Mira hoxe nos periódicos e na TV e infórmate do número de mortas ao ano, de que se pode facer para axudalas, de que pasa despois do maltrato. Pregunta na casa, é un tema moi serio e nunca é demasiado cedo para enterarse.

"Alma". Curta de animación.

Fíxate ben a ver se hai algún muñeco na tenda que se pareza a ti...