ANUNCIO MÍTICO: Caldo STARLUX

Non é máis que un inocente anuncio de pastillas de caldo concentrado, pero deixa ben clariño o sitio de cada quen: a muller guapa, arreglada, cociñando para a familia;  o marido encorbatado ( supónselle un traballo de prestixio) está sentado á mesa para que ela o sirva e adícalle unha mirada "conforme"  despois de probar o guiso.

Menos mal que algunhas cousas van mudando, porque...os rapaces tamén poñedes a mesa, cociñades e facedes a tarefa da casa ; non?? Non esperaba menos de vós.

Cantádelle a canción a vosos pais, veredes como a saben. Bon proveito!!

José Emilio Pacheco: 1939

Nace en México en 1939.
Poeta, ensaísta, tradutor e profesor. Premio Cervantes 2009.
É autor de libros como : Los elementos de la noche, Irás y no volverás, El silencio de la luna  ou Tarde o temprano.
Déixoche un enlace para que o vaias  coñecendo:

1936: Publícase "Lo que el viento se llevó"

Margaret Michell, periodista, escribiu esta novela estando na cama despois dun accidente. É unha mezcla entre novela histórica e drama amoroso, unha marabilla de libro cheo de historias. A protagonista é Escarlata O'Hara e transcurre na Guerra de Secesión estadounidense. A novela ganou o premio Publitzer ao ano da súa publicación, (1937), logo adaptouse para o cine e a película ganou 8 Óscars en 1939.

Deixei o título en castelán porque na memoria da xente está en castelán, pregunta na casa se lles sona e veredes como o título lles sae en español. Cousas da diglosia !!! Temos  que cambiar isto: "O que levou o vento" ou "Foise co vento". Non está mal.

Anuncio mítico: Cupón de la ONCE, 1984

Seguimos igual, a ver se toca algo...Aquí aínda pagaban en pesetas, se te fixas @s protagonistas son xente corriente e todos teñen a mesma ilusión : que lles toque o cupón. En cuestión de sorte, non cambiou nadiña.

Ensínallo a teus pais ou a teus avós e verás como saben a canción !! Eu creo que despois de tantos anos aínda a sabemos todos os que o vimos, claro!!

1900: Nace Antoine de Saint-Exupery

Tal día coma hoxe de 1900 naceu Antoine de Saint - Exupery.

Foi un novelista e aviador francés, autor de obras tan coñecidas como: O Aviador, Voo nocturno ou O Principiño.

Aquí vai un vídeo con frases súas que aínda perduran hoxe na memoria colectiva, está en portugués pero ti es list@ e non vas ter problemas para entendelo.

1905: Nace o poeta Manuel Altolaguirre.

Tal día coma hoxe de 1905 nacía en Málaga o poeta Manuel Altolaguirre.

Era un home moi comprometido socialmente e despois da guerra tivo que exiliarse por motivos políticos primeiro a Cuba e despois a México.

Xa de moi novo fundou a revista  poética  Ambos á que seguirán outras.

Podes atopar a súa obra en distintas edicións póstumas co título de Poemas.

Aqui déixoche un enlace para unha páxina que recolle a obra de poetas andaluces:

http://www.poetasandaluces.com/poema.asp?idPoema=339

E aquí un vídeo cun poema seu:

1900: Nace a Fundación Nobel

Alfred Nobel naceu tal día coma hoxe . 

 Foi químico, empresario, fabricante de armas e multimillonario. Entre as súas patentes está a da dinamita, que o fixo máis rico aínda. Tiña cartos a moreas a ao morrer deixou escrito no seu testamento que quería que os seus cartos fosen destinados a premiar aos máis destacados en  Física, Química, Fisiología ou Medicina e Literarura.
Así que o 29 de xuño de 1900 naceu a Fundación Nobel para encargarse de administrar o seu patrimonio e dotar de cartos o galardón, pero non son eles quen os escollen, para  iso fórmanse comisións especiais de expertos.

A crise actual tamén fillo mella nos premios e este ano  a cuantía é menor.

É verdade que os cartos son importantes ,, pero decir que ganaches un nobel debe de ser o máximo...

A ti en que che gustaría ganar o Nobel? Xa ves que só hai cinco categorías .

Nesa ? Pois estuda!!!

1936 Estatuto de Autonomía de Galicia

Tal día coma hoxe de 1936 o pobo galego apoiaba por maioría en referendo o Estatuto de Autonomía de Galicia.

Problema? Que non chegou a ser aprobado nas Cortes porque se meteu polo medio a Guerra Civil española.

A maioría dos que  o redactaron e promoveron eran republicanos e entre eles destacaron Villar Ponte e Lois Peña Novo.

As guerras sempre tran atraso , antes e agora, non??

NON Á GUERRA !! Nin antes, nin agora , nin nunca.

Se xa no 36 os nosos devanceiros  loitaron pola Galiza e por unha sociedade digna, nós non podemos ir para atrás coma o cangrexo. Temos que loitar para que Galiza ocupe o lugar que lle corresponde e para iso , temos que estar orgullosos do noso e do que somos. 

Somos ou non somos? Pois iso.

ANUNCIO MÍTICO: COÑAC SOBERANO

Quedáramos en ver a publicidade con ollos críticos. Hoxe tócalle o turno a un anuncio dos máis machistas que pasaron por TVE. Fíxate ben , porque nel ata se dá por bon o maltrato á muller e xustifícase a violencia e o sometemento da muller ao home. Mírao con teus pais para ver se o recordan, é moi antigo, mellor fala cos avós e a ver que che din...

Un home é un home e seis gatos , media ducia de bichos. E este non é un home, nin siquera homiño, ou? Eu creo que o respecto nas parellas é fundamental, e @s dous son iguais de importantes , non?

Por certo, no blog , na sección "Enlaces que che poden interesar" hai un adicado ao maltrato no fogar, se necesitas axuda podes entrar aí  ou  pedir apoio no Instituto ou a un adulto de confianza, non aturedes algo así nas vosas casas, non conduce a ningures.

1577: Nace Rubens

Tal día coma hoxe de 1577 nacía Rubens no territorio que hoxe coñecemos como Alemania.

Foi un pintor barroco da escola flamenca. Fíxose famoso , sobre todo, polo volume dos seus corpos e polos temas mitolóxicos e relixiosos.

A  maior parte da súa obra está no Museo del Prado de Madrid.

Anque non o saibas, coñeces moitos dos seus cadros, pero pode que non sepas que son del. Por iso che deixo un enlace moi bo no que se recolle a súa obra.  En Youtube hai moitos vídeos da súa obra.

                                          Boa travesía, a navegar polo mundo da pintura...!

In memoriam: Blas de Otero

 Tal día coma hoxe de 1979 morría Blas de Otero (1916-1979).

Foi un dos máximos representantes da poesía social da posguerra española, isto é , un home comprometido que denunciaba na súa obra a situación que estaba a vivir o estado despois da Guerra Civil: a miseria, a dor, a vinganza...Como participou na Guerra no bando dos republicanos tivo serios problemas, el non entendía a guerra como solución e pasou polo que se deu en chamar o "exilio interior": unha oposición ao réxime franquista pero desde aquí, non se exiliou fóra, quedou na súa terra e denunciou todo o que a censura lle permitiu.

As súas obras máis importantes son: Ángel fieramente humano, Redoble de conciencia, Ancia.

Déixoche un vídeo con un dos seus poemas máis recitados: "Pido la paz y la palabra":

                                       

1977: Josep Tarradellas volta do exilio

Tal día coma hoxe volveu a Catalunya  Josep Tarradellas ,despois de anos de exilio non desexado provocado pola represión franquista.

Tarradellas fora Presidente de Catalunya antes da dictadura.

Déixoche o vídeo da noticia en catalán. É só cuestión de escoitar con atención e enténdese todo. Non entendes a Guardiola ?? Pois iso:

1836: Morre o autor da "Marsellesa"

Tal día coma hoxe morreu Rouget Lesli, autor da letra da Marsellesa, himno nacional de Francia.

1957: Seat 600

Tal día coma hoxe de 1957 saíu ao mercado o primeiro Seat 600. O coche "último modelo" do momento. Aquí che deixo un "anuncio mítico":

1908: Nace Salvador Allende.

Tal día coma hoxe de 1908 nacía Salvador Allende.

Foi presidente de Chile entre o 4 de novembro de 1970 e o 11 de setembro de 1973.

Era un político de esquerdas  que intentou conseguir un Estado Socialista, o que chamaron " vía chilena al socialismo".

En 1973, a oposición asinou un documento acusando a Allende de violacións á Constitución. 

Morreu o día  en que Pinochet deu un golpe de estado que o subiu ao poder. Din que Allende se suicidou antes de rendirse.  O caso é que o querían  ver morto por reivindicar a igualdade social e por decir cousas coma estas:

1810: morre o inventor do globo aerostático

Tal  día coma hoxe morreu M. Montgolfier, un dos irmáns aos que se lles atribúe a invención do globo aerostático . Hai quen di que , en realidade, xa o inventara antes Bartolomeu Lourenço Gusmao.

1819: Paténtase a bicicleta

 Tal día coma hoxe de 1819, W.R. Clarkson patentou a bicicleta.

Quen lle ía decir que se convertiría en todo un éxito e que millóns de persoas acabarían usando o seu invento...

Case douscentos anos de historia , eh...!!

1876: Batalla de Little Big Horn

Tal día coma hoxe de 1876 tuvo lugar a Batalla de Little Big Horn onde o xeneral Custer foi derrotado por "Caballo Loco". ( As historias de indios chegáronnos todas a través de películas en español).

http://www.youtube.com/watch?v=4Now1ddXt1U&feature=related

Nese enderezo tes un magnífico documento que che dará a coñecer o tema, problemas técnicos non me deixan subilo. Copia e pega en Youtube, vaiche gustar.

1852: Nace Gaudí

Tal día coma hoxe de 1852 nacía en Barcelona Antoni Gaudí, arquitecto catalán, máximo representante do Modernismo.

Pasou á historia pola súa obra espallada polo territorio español, entre elas destacan: o Parque Güell , a Sagrada Familia e a casa Batlló de Barcelona  ; o Capricho de Comillas, etc.

Déixoche un vídeo para que botes un ollo , seguro que che gusta:

Ernesto Sábato cumpliría hoxe 101 anos.

Escritor arxentino, naceu tal día coma hoxe en 1911 e morreu no 2011. 

Era un escritor lúcido e comprometido coa sociedade e cos tempos que lle tocaron vivir. 

Entre a súa obra destacan :

_El túnel

_Entre héroes y tumbas.

Tamén permanecerá na memoria colectiva polo seu pensamento,os seus artigos e as entrevistas concedidas nas que falaba sen pelos na lingua. Un señor, vaia!!

Que descanse en paz.

Déixovos un vídeo con algunhas frases súas:

In memoriam: Gardel- Alfredo Le Pera

O 24 de xuño de 1935 perdían a vida Carlos Gardel e o seu letrista, Alfredo Le Pera, nun accidente de aviación en Medellín ( Colombia). A conmoción a nivel mundial foi enorme, Gardel era un mito xa de vivo. 

Carlos Gardel naceu en Toulouse (Francia) como Charles Romoald Gardès o 11 de decembro de 1890, pero con vintesete meses emigrou con súa mai a Arxentina . Cantou tangos ata que morreu.

Le Pera era o seu letrista, un poeta do seu tempo que ademais era guionista de cine e autor da maior parte dos guións das películas nas que Gardel gañou a súa boa merecida fama.

Supoño que non  estades afeitos a escoitar tangos, déixovos "Volver"; pero en Youtube podedes buscar "Adiós muchachos", "Silencio", "La cieguita" , " Malevaje",etc...

Máis recente é o grupo Malevaje  que editou un disco titulado "Con su permiso, don Carlos" e que fan tangos dun xeito máis actual: