1892 : Invéntase o tapón coroa das botellas.

O 2 de febreiro de 1892 William Painter patentaba a tapón coroa .A finais do século XIX empezaron a venderse as bebidas con gas así que houbo que idear un método para que as botellas non "perdesen a forza". Painter creou un tapón que resistía a forza do gas contido nas botellas e que resultaba doado de pór grazas a unha máquina que el mesmo inventou. Como podes imaxinar despois tería que inventar o abridor, pero esa é outra historia.

Aquí podes ver o debuxo do deseño que entregou na oficina de patentes para rexistrar o seu invento.

1943: Remata a batalla de Stalingrado.

Foto: Dmitri Batermants

O 2 de febreiro de 1943 remataba a batalla de Stalingrado. Foi un enfrontamento bélico entre as tropas de Alemaña e as soviéticas na Segunda Guerra Mundial  na cidade de Stalingrado entre setembro de 1942 e febreiro de 1943. Despois de pasar un inferno por culpa das condicións climáticas adversas o exército alemán comandado por von Paulus rendeuse diante do mariscal Zhukou.

The Monk and The Monkey.

A bondade sempre ten recompensa:

1797: Nace Franz Schubert

O 30 de xaneiro de 1797 nacía en Lichtenthal  o compositor austriaco Franz Schubert. Trátase dun músico do Romanticismo alemán, autor de centos de  lieder, varias misas, sinfonías, sonatas,etc. Entre as súas obras destacan títulos como Canto do cisne,Sinfonía inacabada, A doncela e a morte ou A troita. 

Sen dúbida unha das súas obras  máis coñecidas é o Ave María:

Trois petits points

Unhas puntadiñas por acó, unhas puntadiñas por acolá...Non hai costureira capaz de "arranxar" o que a guerra desfixo.

30 xaneiro: Día Escolar da Paz e a Non Violencia.

O 30 de xaneiro celébrase o Día Escolar da Paz e a Non Violencia. Celebrouse por primeira vez en 1964 e foi idea dun profesor chamado Llorenç Vidal. Recoñeceuno o Ministerio de Educación en 1976. En tódalas escolas no día de hoxe trátase de promover o amor universal e a non violencia.

Tamén se conmemora nesta data o aniversario da morte de Mahatma Gandhi que foi asasinado tal día coma hoxe de 1948 . É considerado por todo o mundo un símbolo da loita pacífica Foi o artífice da independencia do seu país mediante a política de non violencia.

Politinesse and Tires

Non hai que perder nunca as boas maneiras:

1887: Empézase a Torre Eiffel.

O 28 de xaneiro de 1887 empezou a construirse a Torre Eiffel de París. Foi creada para a Exposición Universal de París de  1889 por Gustave Eiffel e o seu equipo. Tardaron dous anos, dous meses e cinco días en facela. Trátase dunha estrutura feita en ferro pudelado que alcanza os 325 metros de altura. Aquí podes ver  os planos orixinais.

1945: Liberación de Auschwitz.

O 27 de xaneiro de 1945  entraba o exército soviético no Campo de Concentración de Auschwitz-Birkenau. Este lugar fora utilizado como centro de experimentación médica e de exterminio  de xudeus, fálase de que alí poideron ser asasinados entre 1'5 e 2'5 millóns de persoas.

Na cancela da entrada lese unha frase : "Arbeit macht frei"  ( O traballo faravos libres ), triste ironía para os seus prisioneiros.

Os seus máximos dirixentes rendiron contas no Proceso de Nuremberg, onde se tentou facer xustiza polos crimes perpetrados durante a Segunda Guerra Mundial.

Como símbolo da barbarie e co fin de non esquecer, foi declarado Patrimonio da Humanidade  pola UNESCO en 1979.

Mágoa que os xudeus esquecesen tan axiña e perpetren agora o seu particular "holocausto" en terras palestinas. 

Cat's Meow.

Un pouco de humor para sobrelevar o día.

1756: Nace Mozart.

O 27 de xaneiro de 1756 nacía en Salzburgo Wolfgang Amadeus Mozart, compositor, pianista, xenio  precoz da música, compositor de cámara do emperador José II. 

É imposible citar toda a súa obra, pero destacan algunhas das súas óperas: A frauta máxica, As vodas de Fígaro,  Don Giovanni, Cosí fan tutte; tamén compuxo varias misas e un Réquiem sublime ademais de varias sinfonías entre as que destaca Haffner ou a Sinfonía nº  40 en sol menor .   Seguro que esta última che soa: