En tus brazos

Unha curta chea de ritmo...

Jacinta

A historia de Jacinta. Porque a vida é un continuo tecer e destecer...

Special delivery.

Unha curta que gañou o Óscar en 1978. Unha boa historia non precisa grandes debuxos.

1875: Nace Ravel.

O 7 de marzo de 1875 nacía o compositor Joseph Maurice Ravel. Destacou pola perfección formal, a riqueza melódica e o dominio da orquestra e da harmonía nas súas obras. Son títulos seus Pavana para unha infanta difunta, Dafnis e Cloe, Rapsodia española e o seu famoso Bolero.

García Márquez cumple 86 anos. Parabéns!!

Foto por Baldo Pestana.

Hoxe cumpre 86 anos Gabriel García Márquez, "Gabo". Este  colombiano é un dos escritores máis importantes en lingua española . Ademais do Nobel, García Márquez foi merecedor de moitos outros galardóns institucionais, pero , sen dúbida, o máis importante é o recoñecemento do público e a lectura dos seus libros que seguen a venderse ano tras ano.

Hoxe non toca afondar na súa obra, só recordalo e darlle os nosos parabéns.

1653:Estréase "La Traviata".

Primeiro cartel de La Traviata.

O 6 de marzo de 1653 estreábase na Fenice de Venecia a ópera La Traviata de Giuseppe Verdi. Francesco  Maria Piave escribiu o libreto a partir dunha adaptación ao teatro da novela A dama das camelias de Alexandre Dumas (fillo). O día da estrea foi un fracaso estrepitoso. Parece ser que a soprano escollida distaba moito de parecerse a Violeta, a xoven protagonista, e o público burlouse sen clemencia da pobre muller. O barítono e o tenor tamén foron ridiculizados. Anos despois, en 1854, La Traviata volveu ser representada con outros intérpretes  e con lixeiros cambios na obra, esta vez foi un éxito.

Pódese decir que actualmente, La Traviata e unha das óperas máis representadas do mundo.

Aquí queda un fragmento que case todo o mundo cantaruxa.

1877: Estréase O lago dos cisnes.

O 4 de marzo de 1877 for presentado no Teatro Bolshói de Moscú  o ballet O lago dos cisnes con coreografía de Julius Reinger e música de Tcahikovsky. Foi un fracaso. Houbo que esperar ata 18 anos máis tarde a que se ocupasen da coreografía  dous nomes novos: Marius Petipa e Lev Ivánov que a modificaron e lograron un sonoro triunfo no teatro Mariinsky de San Petesburgo . Neste ballet atópanse algunhas das máis fermosas esceas da historia da danza. Velaí un exemplo:

1678: Nace Vivaldi.

O 4 de marzo de 1678 nacía en Venecia o compositor Antonio Vivaldi. É un dos máximos representantes da música instrumental barroca.  A maioría da súa produción foi feita para os grupos musicais do Ospedale della Pietà  de Venecia. O seu xeito de entender a composición serviu para  desenrolar a técnica do violín a base de escalas rápidas , arpegios,etc. A súa obra máis coñecida é As catro estacións, pero tamén é autor de sonatas, oratorios ou óperas( Orlando Furioso, A fida ninfa). Resulta sorprendente que o autor dunha das obras máis coñecidas da música clásica de tódolos tempos morrese na miseria.

Tratándose de músicos, sempre hai que escoitar e disfrutar:

Gary

Quen poidera namorala...!

1923: Aparece a revista TIME

Primeira portada da revista  TIME

O 3 de marzo de 1923 aparecía en EE.UU. o primeiro número da revista TIME. Hoxe en día conta con cinco edicións: a nortemaericana, a canadense (Toronto), a asiática (Hong Kong), a europea (Londres) e a do Pacífico Sur (Sidney). Foi fundada por Brith Haden e Henry Luce e nunca deixou de publicarse desde entón. 

Este semanario é coñecido en todo o mundo e cada ano nombra  "Persoa do Ano" a unha persoa, cousa ou grupo pola súa relevancia nas noticias. 

Pódese dicir que TIME é unhas das publicacións máis importantes da historia do periodismo do século XX, queda agardar que lle depara o século XXI.