Anuncio mítico: Mirinda.

A que ten moito que ver a señorita da capa-super-woman co refresco?? Cousas da publicidade, debía haber alguén a quen lle entrase sede vendo o anuncio...O caso é que a Mirinda estaba moi boa, eu non recordo o anuncio.

1741: Morre Vivaldi.

Antonio Vivaldi foi un compositor e violinista italiano que morreu tal día coma hoxe de 1741 en Viena. É un dos máximos representantes  da música instrumental barroca. Escribiu uns 450 concertos , os máis coñecidos son os que forman a colección das Catro estacións (1725). Tamén escribiu  oratorios, cantatas , música sacra e óperas. Tanto traballo e morreu  na pobreza.

Aquí che deixo un vídeo dun fragmento seu:

                       

 

1951: Nace Santiago Calatrava.

Tal día coma hoxe de 1951 nacía en Valencia o arquitecto Santiago Calatrava. Admirado por uns e criticado por outros é o creador de moitísimas obras por todo o mundo. Neste enlace podes encontrar a súa obra e tódolos datos que che poidan interesar, é a súa páxina web:http://www.calatrava.com/ . Só para que che entren ganas de mirar direiche que el creou a ponte "del Alamillo" de Sevilla, a Cidade das Artes e das Ciencias de Valencia, o viaducto de Bach de Roda de Barcelona, a Gare de Oriente de Lisboa, o Auditorio de Tenerife, a Turning Torso en Malmö , Suecia; etc, etc, etc. Vouche poñer un vídeo para que xulgues ti mesm@ o seu traballo e o do seu equipo, porque estas obras son froito dun gran traballo en equipo , por suposto, el é a mente pensante pero sin o seu grupo non sería o mesmo.

1663: Monopolio real do transporte marítimo.

Tal día coma hoxe de 1663, o Parlamento de Inglaterra aproba a Segunda Acta de Navegación pola cal tódalas mercadurías europeas con destino ás colonias británicas en América deben chegar ao seu destino en buques de bandeira inglesa. Visión comercial que lle chaman!!

1939: Nace Vázquez Montalbán.

Tal día coma hoxe de 1939 nacía Manuel Vázquez Montalbán. Foi un escritor superventas en español. Deuse a coñecer como poeta na colección Nueve novísimos poetas españoles  e como articulista e ensaísta en varios medios. É imposible citar tódolos seus títulos, pero seguro que che soa o seu personaxe Pepe Carvalho que protagonizaba unha serie de televisión con guións baseados nas novelas de Montalbán, por exempo, Yo maté a Kennedy ou Los mares del Sur coa que ganou o Premio Planeta . Tamén destacou pola súa labor como crítico gastronómico: El arte de comer en Cataluña. Foi Premio Nacional das Letras Españolas. Morreu estando de viaxe en Tailandia en 2003.

1951: Nace Bernardo Atxaga.

Tal día coma hoxe de 1951 naceu Bernardo Atxaga, de nome real, José Irazu Garmendia. É un escritor vasco que escribe e publica en euskera, pero ten tanto éxito que está traducido a moitas linguas. É licenciado en CC. Económicas e en Filosofía  e Letras. Membro da Real Academia da Lengua Vasca. Entre os seus títulos de literatura juvenil destacan : Unha espía chamada Sara ou Memorias dunha vaca. Pero tamén escribe poesía, ensayo e literatura para nenos. Ten unha morea de premios , incluido o Premio Nacional de Narrativa por Memorias dunha vaca.

1875: Nace Carl Jung

 

Tal día coma hoxe de 1875 nacía Carl Jung. Quen?? Carl Jung, un psiquiatra suizo. Destacou no mundo da psicoanálise na que tivo a súa propia escola, primeiro foi discípulo de Sigmund Freud pero despois abandonou as súa teorías e elaborou as súas propias que se centraban na importancia do impulso creador do ser humano. Escribiu varias obras sobre o tema.

Neste enlace http://www.proverbia.net/citasautor.asp?autor=533 tes algunha das súas frases.

1894: Nace Aldous Huxley

Tal día coma hoxe de 1894 nacía Aldous Huxley, un escritor británico. Se por algo destacou na súa vida foi pola súa intelixencia e pola súa retranca, con elas soupo retratar unha sociedade decadente, hipocrita e baleira. Seguro , segurísimo que tes oído algún dos seus títulos: Los escándalos de Crome,autobiográfica, Contrapunto ,na que retrata a personaxes da súa época, Un mundo feliz , esta si que che soa , nela retrata un mundo dominado polas máquinas e a xenética .

Gran frase para aplicar a nosa vida, non a esquezas nunca, o mundo será un lugar mellor para todos...

1875: Nace Machado.

Tal día coma hoxe de 1875 nacía en Sevilla Antonio Machado y Ruíz. Estudou na Institución Libre de Enseñanza en Madrid onde coñeceu a moitos dos que serían grandes escritores e pensadores da súa xeración. En 1903 publicou o seu poemario Soledades , de clara influenza modernista. En 1907 editou Soledades, galerías y otros poemas.  Máis tarde, estando de profesor de francés en Soria , publica Campos de Castilla. En 1917, a Residencia de Estudiantes de Madrid publica a primeira edición de Poesías completas. En 1924 aparece Nuevas Canciones.Seguro que algunha vez liches ou escribiches na túa carpeta algún destes versos. Outros títulos seus son Juan de Mairena, Sentencias, donaires, apuntes y recuerdos de un profesor apócrifo. En teatro destacan La Lola se va a los puertos , El hombre que murió en la guerra.

Mira este vídeo e dime que non coñeces algún poema de Machado:

1978: Nace a primeira bebé probeta.

Tal día coma hoxe de 1978 nacía Louise Joy Brown, a primeira nena nada por fecundación "in vitro". Foi o primeiro caso no mundo e daquela houbo moito balbordo polo tema: cuestións éticas, relixiosas,médicas, etc. En 2008 , Louise foi mamá de xeito natural  demostrando que os bebés fecundados in vitro poden e levan unha vida normal.

Cantos nenos haberá neste mundo que naceron grazas a esta técnica?? Benvida a ciencia !!

1984: Savitskaya convértese na primeira muller en pasear polo espazo.

Tal día coma hoxe de 1984 Svetlana Savitskaya converteuse na primeira muller en dar un paseo espacial.

Naceu o 8 de agosto de 1948 en Moscú e foi piloto e cosmonauta; agora adícase á política. Deu o seu paseo mentras estaba na estación espacial Salyut 7.

A primeira muller en viaxar ao espazo fora a súa compatriota Valentina Tereshkova.

2001: Morre Phoolan Devi.

Quen é esta muller? Unha versión moderna de Robin Hood na India, de feito é coñecida como "a raíña dos bandidos". A súa vida foi tan apaixonante  que ata fixeron unha película  basada na súa autobiografía. Cóntoche o principio e o final e ti les o libro:

Naceu nunha familia dunha caste das máis baixas da India. Con 11 anos obligárona a casar cun home 20 anos máis vello ca ela que a maltrataba e violaba continuamente ata que un día ela escapou e voltou para a súa casa, pero como os deshonrara non a admitiron na casa e ademais denunciárona por ladroa  e foi parar ao cárcere. Alí volveu ser violada pola policía ata que se cansaron. Ao saír do cárcere pouco tiña que perder e...

Finalmente, chegou a presentarse ao Parlamento e foi elexida diputada. En 1998 foi candidata ao Nobel da Paz. Morreu asasinada en 2001.

Anuncio mítico: La familia Telerín.

Este era o anuncio que indicaba que había que irse á cama. Pregunta na casa, verás como o recordan e mesmo che cantan unha canción que había para xogar á goma...Pregunta !!

1911: Descubren o Machu Pichu

Tal día coma hoxe de 1911 o antropólogo, arqueólogo  e explorador Hiram Bingham descubría o Machu Pichu.  É un conxunto de ruinas dunha antiga cidade inca fortificada en Perú. Está a uns 90 km. de Cuzco , xunto ao canón do río Urubamba e no cumio dunha das montañas andinas.

É un tesouro da humanidade e deixa ben ás claras que os españois non civilizaron a ninguén porque cando eles chegaron as etnias que alí habitaban tiñan a súa cultura, as súas cidades, o seu medio de vida; en moitos casos superior á española.

1917: Mata-Hari é levada ante un tribunal militar.

Tal día coma hoxe de 1917 Mata Hari foi xulgada por un tribunal militar. Quen era Mata-Hari? Unha espía!! Pero unha espía das de verdade,eh! Era bailarina, moi fermosa, engaiolaba aos homes co seu arte. Triunfou por toda Europa co seu espectáculo de danzas orientais. Na Primeira Guerra Mundial fixo traballo de espionaxe para Alemaña polo que , unha vez descuberta, foi detida, xulgada e condenada.

1802: Nace Alejandro Dumas.

Tal día coma hoxe nacía Alexandre Dumas, pai. Foi un importante escritor francés do Romanticismo. Entre as súas obras máis famosas destacan  Os tres mosqueteiros, O Conde de Montecristo ou O colar da raíña.  As  súas obras eran de tema histórico e foron moi importantes para consolidar o xénero das novelas por entregas  chamadas "folletíns". 

1823: Chile, primeiro estado americano en abolir a esclavitude.

Tal día coma hoxe de 1823 Chile convírtese no primeiro estado de América en abolir a esclavitude . A lei foi unha iniciativa de José Manuel Infante e nela dinse cousas como as que siguen:

“Son libres cuantos hombres son nacidos desde 1811 y cuantos nazcan en el territorio de la República; son libres cuantos pisen el suelo de la República: cuantos hasta hoy han sido esclavos, son libres desde la sanción de este acuerdo”

Despois  a constitución de 1823, recolle as ideas de Infante  pronunciase contra a esclavitud no artígo 8: “En Chile no hay esclavos: el que pise su territorio por un día natural será libre. El que tenga este comercio no puede habitar aquí más de un mes, ni naturalizarse jamás”.

Anuncio mítico:Zapatillas paredes 1979

Os primeiros planos  son para os cus das mulleres, todas marabillosas e fermosas; os homes con plano principal son un gordo e un vestido con capas de roupa superpostas. O I love New York  púxose de moda por aquelas datas, andaban as discotecas a tope desas camisetas. Eran chulas , eh?

1876: Nace Ricardo Verde Rubio.

Tal día coma hoxe de 1876 nacía en Valencia o pintor Ricardo Verde Rubio. É un gran descoñecido, autor duns cadros marabillosos cheos de luz e sensibilidade nos que se nota a influenza de Tiziano  e de Sorolla. Como non era moi dado á vida social, a súa obra non é moi famosa ;pero, por favor,  non deixes de ollar este vídeo e despois dime  se merece ou non o recoñecemento público que non ten:

                                    

1957: Morre Di Lampedusa

Tal día coma hoxe de 1957 morría en Roma Giuseppe Tomassi, Duque de Palma e Príncipe di Lampedusa. Este nome tan pomposo é dun escritor italiano que pasou á  historia  por unha novela marabillosa: Il Gatopardo, publicada postumamente e levada ao cine con  gran éxito. El, en realidade, era  oficial de artillería pero en 1925 retirouse en parte pola súa oposición ao fascismo. A novela é boísima , pero se non queres ler podes ver a película, dirixida por Visconti e protagonizada por Burt Lancaster.

200 anos da batalla de Arapiles

Hoxe cúmplense 200 anos da batalla de Arapiles. Na Guerra de Independenza contra o francés, as tropas españolas, portuguesas e inglesas dirixidas por Wellington derrotaron as tropas de Napoleón ás ordes do xeral Marmont. Despois desta batalla, que tivo lugar en Arapiles (Salamanca) , Napoleón retirouse de Andalucía e Madrid. 

Anuncio mítico: Bollycao.

Tes fame? Pois dálle logo!

1999: Morre Claudio Rodríguez

O 22 de xullo de 1999 morría en Madrid o poeta zamorano Claudio Rodríguez. Tivo unha vida marcada pola morte de seu pai cando el tiña  13 anos. Destacou como poeta. Foi profesor/lector de español en Nottinhgham e Cambridge. Recibiu moreas de premios, destacan o Premio Nacional de Poesía(1983), Premio Príncipe de Asturias de las Letras (1993), Premio Reina Sofía de Poesía Iberoamicana, etc. Ademais foi membro da Real Academia Española. Entre as súas obras destacan: Don de la ebriedad ou  Conjuros, pero o mello para coñecelo ben é botarlle un ollo á súa Antología poética.

1949 : Nace Alen Manken

O 22 de xullo de 1949 nacía en New Rochelle (New York) o compositor Alen Manken. Xa sei que non tes idea de quen é...Pero resulta que é o compositor das bandas sonoras de películas como La Sirenita, Pocahontas, La Bella y la Bestia, Aladdin, El jorobado de Nôtre Dame, Hércules, etc. En total ten 8 Óscars !!! Liches ben : OITO!! ( Deixo os títulos en español porque como non as esiximos en galego vemos todo o cine que vén de fóra en castelán, somos así!)

1894: Remata a primeira carreria automovilística da historia.

Tal día coma hoxe de 1894 remataba a primeira carreira de velocidade da historia. Empezara o día 18 de xullo organizada polo diario parisino Le petit journal. Dixcurreu entre París e Rouen cun percorrido de 122 km. e o vencedor foi Jules  Albert de Dion que pilotaba un De Dion Bouton equipada cun motor de vapor.