+Blog editado en Foz (Lugo) por Mar Corbelle Valiño

Este blog quere ser educativo e , polo tanto, formar aos usuarios no respecto pola propiedade intelectual e os dereitos de autor. Tódolos vídeos, textos e imaxes que aparecen teñen como único fin educar aos nosos alumnos no respecto polo traballo alleo. Se en algún momento alguén considera que se vulneran os seus dereitos ,pode poñerse en contacto con nós e procederemos a eliminar inmediatamente o texto ou imaxen con dereitos de autor.

12/01/2013

Unha de vampiros: Vampire's crown.

1966: Primeira emisión de Batman


O 12 de xaneiro de 1966 emitiuse  en EE.UU. o primeiro episodio da serie de TV Batman. Os actores protagonistas eran Adam West e Burt Ward. Naquel momento foi todo un "boom", un éxito sin precedentes no mundo dos superheroes. A distribuidora ofertaba un heroe moderno e os efectos especiais máis avanzados  cunhas cores nunca vistas...
Esta era a cabeceira:

11/01/2013

1922: Emprégase por vez primeira a insulina.

Leonard Thompson
O 11 de xaneiro de 1922 usouse por vez primeira a insulina como terapia para a diabete. O primeiro enfermo en recibila foi un neno de 14 anos, Leonard Thompson, que estaba moi grave.
Este feito supuxo a salvación de moitísimos enfermos ao longo da historia a partir daquel día.
Os descubridores deste remedio foron Frederik  Grant Benting e Charles Herbert Best, dous científicos canadenses.

Curta: Robby

Tanto loitar e ao final... l...

10/01/2013

Curta: Parkour.

Un traballo ben feito que casa de marabilla a imaxe e a música:

1863: Inaugúrase o Metro de Londres.

O 10 de xaneiro de 1863 inaugurábase  o metro de Londres, a primeira liña de ferrocarril suburbano para transporte de viaxeiros do mundo. 
Como funcionaba a vapor eran necesarios moitos puntos de ventilación . Despois chegaron as locomotoras  eléctricas que permitiron facer liñas a maior profundidade e moito máis rápidas e liña a liña o metro foi evolucionando ata o que hoxe coñecemos.
Os londinienses chámanlle ao seu metro "The Underground" ou "The Tube" pola forma dos tuneis.

09/01/2013

1324: Morre Marco Polo.

O 9 de xaneiro de 1324 morría en  Venecia Marco Polo,un viaxeiro, comerciante e aventureiro veneciano. Cando era neno viaxou con seu pai e seu tío (comerciantes os dous) ata China onde foi  acollido polo Gran Kan que o tomou baixo a súa protección e lle encargaría co tempo varias misións políticas e diplomáticas. Uns vinte anos despois, volveu a Venecia e nun viaxe posterior foi  apresado polos xenoveses, mentras estivo no cárcere ditou o seu libro titulado O libro de Marco Polo ou Libro das marabillas do mundo.

No seguinte vídeo,en clave de humor e da man de Cantinflas, podes ver unha pequena aproximación ás aventuras de Marco Polo:

07/01/2013

1950: Morre Castelao.

O 7 de xaneiro de 1950 morría en  Bos Aires o escritor, político e debuxante  galego Alfonso Daniel Rodríguez Castelao, o noso Castelao.
Era médico, pero non exercía. Foi un dos eixos do nacionalismo galego e deputado durante a Segunda República. Trala guerra exiliouse a Arxentina. As súas ideas quedaron para sempre na  obra Sempre en Galiza. Outros títulos seus son Cousas da vida (relatos), Nós (debuxos) e Galicia mártir. 
No seguinte vídeo podes ver algún dos seus debuxos de Nós:


1986: Morre Juan Rulfo.

O 7 de xaneiro de 1986 morría en México o escritor Juan Rulfo. Aínda que só deixou dúas obras ,  El llano en llamas e Pedro Páramo, é un dos grandes escritores da Literatura Hispanoamericana. A primeira é unha colección de contos e a segunda, unha novela corta do chamado "realismo mágico" hispanoamericano.
No enlace que segue podes ler os contos:http://www.ciudadseva.com/textos/cuentos/esp/rulfo/jr.htm

Se queres escoitar a Rulfo lendo un dos seus relatos, mira este vídeo:

06/01/2013