"Réquiem" de Anna Ajmátova.

Tal  día coma hoxe de 1889 naceu Anna Ajmátova, poetisa rusa, autora do poema Réquiem na honra das víctimas de Stalin entre as que estaba o seu fillo Lev. Esta é unha versión libre  de Luisa Pastor de Auralia que pon os pelos de punta.

Willian Penn firma o Tratado da Terra: 1683

William foi un cuáquero inglés, fundador de Pennsylvania e un loitador  pola igualdade de dereitos: propoñía a igualdade social, a liberdade de culto, a dignidade da muller e a súa participación na vida pública, a non existencia de exército ( naqueles tempos, había que ter valor!!!) e a convivencia pacífica cos indíxenas americanos para os que reivindicaba o seu dereito aos territorios dos colonos. Con eles firmou tal día coma hoxe  de 1683 o Tratado da Terra.

Primeira volta ao mundo en avión

Tal día coma ohoxe de 1931 o piloto norteamericano

Wiley Post dá a primeira volta ao mundo en avión.

Todo un éxito para aqueles tempos, eh!

1894: Fúndase o COI

Tal día coma hoxe de 1894 fundouse o Comité Olímpico Internacional. Acordou que se celebrarían cada catro anos. Os impulsores do proxecto foron Dimitri Vikelas e Pierre de Coubertin. Os primeiros xogos olímpicos modernos celebráronse en  Atenas en 1896.

En 1993, tal día coma hoxe , inaugúrase en Lausana (Suiza)  o Museo Olímpico por iniciativa de Juan Antonio Samarnach, daquela presidente do COI.

Meryl Streep, feliz aniversario!!

Tal día coma hoxe naceu Meryl Streep. Actriz norteamericana de cine, TV e teatro. Ganou tres Óscars e unha morea de premios máis. As película máis coñecidas e premiadas son:

Kramer contra Kramer, Memorias de África , A dama de ferro e A decisión de Sophie. Déixovos unhas escenas de Memorias de África, a miña favorita. Merece a pena velas , pero está é fermosísima. Consello: provisión de panos.

In memoriam: Fred Astaire

Fred Astaire foi un actor, bailarín e coreógrafo  que tivo moita fama no mundo do cine. Naceu o 10 de maio de 1899 e morreu o 22 de xuño de 1987, tal día coma hoxe.

Fixo moitísimas películas , entre as máis famosas destacan:

-Érase una vez en Hollywood,

-Melodías de Broadway

-Papá piernas largas

etc.

Déixovos un vídeo dun fragmento dunha película para que vexades como bailaba, seguro que a máis de un vos gustarían as súas películas:

Sechu Sende está de aniversario: Parabéns

Naceu en Padrón en 1972. É Licenciado en Filoloxía Portuguesa e escritor. Entre as súas obras destaca Made in Galiza.

Defensor da nosa lingua de corazón.

Déixovos aquí un vídeo explicando a súa relación coa lingua galega,porque pode que non aínda non fales galego e nunca é tarde para convertirse en neofalante, porque o futuro do galego está nas nosas mans, mellor dito,nas nosas linguas

BOLI BIC: Anuncio mítico

O anuncio de hoxe é o do boli Bic, todos tedes un , ou non???

Pois aí vos queda un anuncio que fixo época e historia.

Porque nunca se deixarán de usar os bolis...

Jean-Paul Sartre naceu tal día coma hoxe de 1905

"

"Felicidad no es hacer lo que uno quiere sino querer lo que uno hace." Esta é unha de tantas frases que deixou escritas este escritor e filósofo francés. Foi o principal represetante do existencialismo. Destacou na súa época polas súas ideas revolucionarias e por atacar duramente ao goberno francés pola súa actuación militar en Argelia, por entón , colonia francesa.

En 1964 concedéronlle o Nobel de Literatura pero rexeitouno porque decía que poñía en perigo a súa integridade como escritor.

Entre as súas obras destacan O estranxeiro ,A  náusea, As moscas...Home , as súas obras non serven para levar á praia e pasar a tarde , pero si para pensar. Co tempo podedes lle botar unha ollada. Déixovos un enlace cun vídeo que contén frase súas, ao mellor anímavos a poñelo na vosa lista de libros futuros.

Cola Cao: anuncios míticos

Con este imos empezar unha nova sección no blog: "anuncios míticos". Algúns serán tenros, outros graciosos ,  atrevidos, renovadores, inxeniosos e outros... machistas. Do que se trata é de ver como foi evolucionando a publicidade e como reflexan  a sociedade da época.

O Cola-Cao leva  décadas nas nosas casas, preguntade a vosos pais  ou a vosos avós e veredes como recordan este anuncio:

Tal día coma hoxe naceu Ignacio Zuloaga

Tal día coma hoxe de 1870 naceu o pintor español Ignacio Zuloaga. Eu non digo nada, mira o vídeo e a ver se che gusta.

KIKO DA SILVA está de aniversario

Kiko da Silva é un galego que estudou Belas Artes e que decidiu facernos a vida máis agradable co seu traballo. É un dos maiores creadores de banda deseñada en galego , un home que fai país e cultura grazas a súa obra. Ultimamente anda argallando nunha escola de banda deseñada.

Seguro que o coñeces de ver por aí debuxos del na revista "Retranca",  en libros , etc.

O caso é que hoxe é o seu aniversario e o mellor agasallo para el é dar a coñecer a súa obra. Déixoche o enlace do seu blog para que o coñezas mellor, fíxate ben nel porque estou segura de que fará historia. http://kikodasilva.blogspot.com.es/

Parabéns, Kiko da Silva!!!

Día Internacioanl das Persoas Refuxiadas

Hoxe é o Día Internacional das Persoas Refuxiadas.  Máis de 42'5 millóns de persoas do mundo tiveron que deixar o seu fogar fuxindo da fame, da guerra, dos desastres naturais, da violencia política, das mafias...para vivir nun campamento de refuxiados. De verdade cres que alguén deixa  por gusto a súa casa con catro cousas nunha bolsa para ir vivir  nunha tenda de campaña  no medio de miles de persoas que non coñeces de nada??

Existe un organismo , ACNUR que se preocupa e se ocupa de que vivan en condicións o máis dignas posibles. Déixoche a súa páxina: http://www.acnur.es/

 Como sei que sempre lles facedes  máis caso aos famosos, aí vos queda Angelina Jolie falando do tema:

Francia elimina a "nobreza hereditaria"

Despois da Revolución Francesa de 1789, os franceses decidiron abolir a "nobreza hereditaria" por considerala inxusta e antidemocrática. E algo de razón levaban ...a nobleza está nos feitos, non nos títulos, digo eu...!

Na práctica esto supón que non hai monarquía e que os títulos de marqués, duque , etc non se heredan, vaia que morren con quen o ten! 

Hoxe en día hai un grupo que pretende restablecer a Monarquía en Francia, o "titular" ou "aspirante" ao trono sería Luis Alfonso de Borbón, fillo de Carmen Martínez Bordiu, neta de Franco e asidua das revistas e dos programas do corazón...Que cousas,eh??

Parabéns, Garfield!

Tal día coma hoxe de 1978 publícase a primeira tira de Garfield de Jim Davis. As bandas deseñadas apareceron a cor a partir do 7 de xuño de 1999 e en 1982 empezou a emitirse como serie de televisión. Agora ten ata dúas películas!!

Parabéns, Garfield!!

Atentado de Hipercor

O 19 de xuño de 1987 ,  a banda terrorista ETA colocaba unha bomba no Hipercor de Barcelona. Morreron 21 personas, 45 resultaron feridas, ducias de familias quedaron destrozadas e o estado enteriro tremeu horrorizado.

Ogallá que no presente e no futuro non vexamos, nunca máis, algo parecido.

(Fotografía de RTVE)

Aniversario de Salman Rushdie

Tal día coma hoxe de 1947 nacía en Bombai ( India) o escritor e ensaísta Salman Rushdie.

As súas obras máis importantes son : Fillos da media noite (1980) coa que ganou unha morea de premios,pero o que lle deu fama mundial  foi Os versos satánicos (setembro 1988). O libro foi considerado blasfemo contra o Islam e Rushdie foi ameazado de morte , dende entón vive rodeado de gardacostas . En xaneiro de 2012 non poido ir ao Festival de Literatura de Jaipur ( India) porque se filtrou a noticia de que había sicarios contratados para matalo.

Ás veces a relixión provoca estas cousas!!

1815: Batalla de Waterloo

Tal día coma hoxe tivo lugar a batalla de Waterloo que supuxo a fin de Napoleón e do seu imperio. Nela enfrontáronse Napoleón e o duque de Wellington, o primeiro ao mando das tropas franceses; e o segundo comandando o exército no que loitaban tropas británicas, holandesas e alemás.

Hoxe fai dous anos que nos deixou Saramago.

Saramago naceu en Portugal o 16 de novembro de 1922 e morreu tal día coma hoxe de fai dous anos en Lanzarote.
Destacou como escritor e como pensador. Gañou o Nobel de Literatura en 1988.

Entre as súas obras destacan: Ensaio sobre a cegueira, Todos os nomes, Cadernos de Lanzarote, A Caverna...

Paul Mc Cartney cumple 70 anos

Naceu en Liverpool fai 70 anos . Foi membro de mítico grupo The Beatles ata que se disolveu. Máis tarde fundou Wins e tamén fixo carreira en solitario.
A súa carreira foi tan exitosa que a raíña de Inglaterra o nombrou "Sir" .
Entre as súas cancións máis famosas está "Yesterday":

Barry Manilow está de aniversario

Quen é Barry Manilow??  Tal día coma hoxe naceu este home, un cantante norteamericano que foi moi famoso; tanto que ata apareceu nun episodio de "Padre de familia". Ten moitas cancións coñecidas, pero segura que esta che soa , ata pode que bailases algunha vez nunha voda, bautizo....Pregunta...,pregunta na casa: Copa, Copacabana, na, na, na,na, na..... Ao mellor tamén che soa porque apareceu na película "Madagascar 2"

Igor Stravinsky , 130 anos do seu nacemento.

Foi un gran compositor e director de orquestra. A lista das súas obras é tan larga que non remataríamos hoxe. Mellor calamos nós e déixamolo falar a el:

Chula , eh?? Se che gustou, busca máis en youtube.

Día Nacional de la Libertad Iberoamericana

Tal día coma hoxe de 1821 morreu o xeneral arxentino  Martín Miguel de Güemes. En conmemoración da súa morte o goberno de Arxentina sinalou este día como o Día da Libertade Iberoamericana.

O xenral Güemes foi unheroe na loita pola independenza contra o exército español.

Día Mundial da Loita contra a Desertización e a Seca

O día 17 de xuño de 1994 a Asamblea Xeral das Nacións Unidas marcou o día de hoxe como Día Mundial da Loita contra a Desertización e a Seca. Máis do 40% da terra está en perigo de desertización ben por secas prolongadas, ben pola acción do home. Cómpre, pois, concienciarse de que a auga é vida. É moi necesario que fagas un uso responsable da auga e que insistas co tema na casa: hai que pecha-las billas, arranxalas cando gotean, non lavar os coches cada vez que nos peta, regar con sentidiño nas horas axeitadas e só cando é impriscindible...Que che vou contar? Hai que aforrar auga e punto! Si ou si?

1950, primeiro transplante con éxito dun órgano humano

O 17 de xuño de 1950, o médico Richard H.Hawler fixo con éxito o primeiro transplante dun órgano humano.

Se non hai donantes , non pode haber transplantes!! É importante que vos concienciedes da necesidade de facerse doador. Faládeo na casa, hai información en tódolos centros de saúde e hospitais.  Coas novas técnicas médicas , un só donante salva varias vidas, creo que merece a pena, non?? 

Seguro que entre os teus veciños ou amigos hai alguén transplantado ou esperando un transplante. Faite donante.

O incidente de "Isla Perejil", ano 2002

O "incidente" ocurreu entre o 11 e o 20 de xullo de 2002 despois de que uns barcos de Marrocos ocuparan a illa. Tal día coma hoxe tivo lugar a operación "Romeo-Sierra" na que os ocupantes marroquís se entregaron á Garda Civil. A liorta puxo en alerta ao mundo mundial, en realidade alí non viven máis que cabras...pero sei que é moi importante para a seguridade do Estado español !!! 

Mira que se a liamos por uns cantos penedos...

Ala, aí tes ao exército español poñendo a bandeira entre as rochas, defendendo o país...

Aquí déixoche o mapa. Porque nunca se sabe a onde teremos que emigrar...