29/09/2012
1964: Aparece Mafalda.
O 29 de setembro de 1964 Quino empeza a publicar a súa tira de Mafalda na revista Primera Plana. Os primeiros protagonistas son Mafalda e seu pai, despois aparecerán os seus amigos e o resto da familia: Felipe, Susanita, Miguelito, Manolito, Libertad, a mamá e o irmán, Guille. Co tempo , Mafalda convértese en referente mundial para coñecer as inquedanzas dos países latinoamericanos . O seu autor, Quino, está recoñecido como un dos grandes da banda deseñada a nivel mundial.
Aquí che queda a web oficial de Quino para que navegues pola súa obra: http://quino.com.ar/
1518: Nace o pintor Tintoretto
 |
| Autorretrato de Tintoretto |
O 29 de setembro de 1518 nacía en Venecia Jacopo Robusti, coñecido como Il Tintoretto. Foi un renombrado pintor italiano, estudou con Tiziano e viuse marcado pola obra de Miguel Ángel. Na súa obra percíbese o gusto polo sentido dramático do manierismo presente nos escorzos e nos contrastes luminosos. As súas obras máis destacadas son os tres Milagres de San Marcos, os cadros sobre San Roque e Susana e os vellos ademais de moitos retratos de xente da época.
Aquí tes un vídeo coa súa obra:
28/09/2012
Anuncio mítico: Mix da década dos 70
1964: Morre o actor Harpo Marx
O 28 de setembro de 1964 morría o actor Harpo Marx, un dos famosísimos Irmáns Marx. Eran catro: Groucho, Chico, Harpo e Gummo. Debutaron no cine en 1929. O seu humor era absurdo e disparatado , unha tolería. As súas películas fixeron historia, algúns dos seus títulos son: Sopa de ganso,Unha noite na ópera, Un día nas carreiras, O hotel dos líos, etc.
Aquí che queda unha escena dunha das súas películas:
1573: Nace o pintor Caravaggio.
Tal día coma hoxe de 1573 nacía Michelangelo Merisi, coñecido como Caravaggio. É o máximo representante do tenebrismo barroco italiano. Empezou pintando bodegóns, cadros de borrachos e rapaces da rúa ( O Baco dos Ufficci). Despois pasou a unha segunda etapa na que a súa maior preocupación era a luz e a representación naturalista das figuras, por exemplo, Historias de San Mateo. Por último, desenrolou plenamente a técnica tenebrista en obras como A morte da Virxe, A Virxe do rosario, A resurrección de Lázaro ou Adoración dos pastores.
Neste vídeo repásase a súa obra:
27/09/2012
Anuncio mítico: Tristón.
1975: Últimas execucións do franquismo.
O 27 de setembro de 1975 tiveron lugar os últimos fusilamentos ou execucións do franquismo. Fusilaron a 5 militantes do FRAP (Frente Revolucionario Antifascista y Patriota) e a dous militantes de ETA político-militar. Estas últimas execucións trouxeron consigo unha marea de protestas tanto en España como no estranxeiro mentras Franco vivía os seus últimos días.
26/09/2012
1917: Morre o pintor Degas.
Tal día coma hoxe de 1917 morría en París o pintor Edgar Degas.
Empezou inspirándose nos pintores do Renacemento italiano, pero despois birou hacia o postimpresionismo procurando o modelado da forma e a expresión do mobemento. Entre as súas obras máis coñecidas están: A familia Bellelli, Mademoiselle Fiocre , No hipódoromo, Enfado, Clase de baile, Dúas planchadoras, etc.
http://www.ocaiw.com/galleria_degas/index.php?lang=en Neste enlace podes atopar moita información sobre el e a súa obra.
Aquí che queda un vídeo coa súa obra:
Aquí che queda un vídeo coa súa obra:
Anuncio mítico:Papel de fotografía Kodak
1888: Nace T.S.Eliot
Tal día coma hoxe de 1888 nacía en Estados Unidos o poeta, ensaísta, crítico literario e dramaturgo Thomas Stearns Eliot , máis coñecido por T.S.Eliot. É unha das figuras máis importantes das letras inglesas. A súa obra poética máis importante é Terra baldía. Tamén conseguiu un gran éxito co seu drama poético Asasinato na catedral .
En 1948 déronlle o Nobel de Literatura.
Neste enlace http://www.epdlp.com/escritor.php?id=1679 podes atopar máis información sobre el e a súa obra e ler algúns fragmentos.
1791: Nace o pintor Géricault.
Tal día coma hoxe de 1791 nacía o pintor francés Théodore Géricualt. Os críticos consideran que o Romanticismo arranca con este cadro seu , A balsa das medusas. Ademais é autor dun montón de obras entre as que destacan: Oficial de cazadores da garda imperial dirixindo unha carga, A carreira de cabalos, etc.
Neste vídeo faise un repaso ao longo da súa obra:
25/09/2012
Anuncio mítico: Lou Lou Cacharel, 1988
Este é un anuncio que tivo moito éxito a finais dos 80. A frase , "Oui, C'est moi", era un comodín . Pregunta na casa a ver se o recordan.
1897: Nace William Faulkner.
Tal día coma hoxe de 1897 nacía o escritor estadounidense William Faulkner. Está considerado pola crítica coma un dos mestres da literatura americana e o mellor cronista dos cambios que se produciron no seu país a partir da Guerra de Secesión. Empezou cun libro de poesía, O fauno de mármore , pero despois adicouse a escribir relatos onde describía a violencia que estaban vivindo os estados do Sur. Era un mestre nas técnicas narrativas, manexaba á perfección o multiperspectivismo, o monólogo interior e a fusión do tempo pasado co presente. Non é doado de ler, as frases son moi longas e ás veces resultan enrevesadas ,esixe certo esforzo por parte do lector. Entre os seus títulos destacan: Luz de agosto, Absalón, Absalón!, Os invictos, Réquiem por unha muller...
Aquí vai un vídeo cun poema de O fauno de mármore, é un pouco lento, pero sírveche para ver como era o seu estilo.
1849: Morre Johann Strauss pai.
Tivo un fillo chamado coma el que pasou á historia polos seus valses: O Danubio azul ou Vals do emperador, entre outros.
24/09/2012
1905: Nace Severo Ochoa.
Tal día coma hoxe de 1905 nacía en Luarca (Asturias) o médico e bioquímico Severo Ochoa. Tivo que marchar a EEUU para desenrolar a súa carreira , alí viviu entre 1941 e 1985 e alí fixo importantes investigacións sobre a síntesis dos ácidos ribonucleico e desoxiribonucleico. Foi Premio Nobel de Fisioloxía e Medicina en 1959 e Premio Santiago Ramón y Cajal en 1982.
1869: Black Friday.
O 24 de setembro de 1869 produciuse en EE.UU unha tremenda caída no mercado financieiro. Tivo lugar porque un grupo de financieiros intentou acaparar o mercado do ouro, isto provocou unha situación de pánico que trouxo consigo unha depresión.
Agora úsase o termo orixinal ,"black friday", para facer referencia a calquer desastre nos mercados financieiros.
A outra gran depresión da historia da bolsa tivo lugar o 24 de outubro, xoves, de 1929 en New York.
23/09/2012
Anuncio mítico: Brandy Fundador 1991
Fíxate en como mezcla os tópicos españoles: cabalo andaluz, touros, mulleres guapas..., con imaxes de cidades internacionais para converter o brandy Fundador en símbolo internacional de España.
1930: Nace Ray Charles.
Tal día coma hoxe de 1930 nacía Ray Charles, un cantante , pianista e compositor americano. A súa imaxe vai unida sempre ás oscuras lentes negras coas que tapaba os ollos , quedara cego aso 6 anos. Aos 15 empezou unha magnífica carreira musical. En 1954 e despois de tocar en distintos grupos, creou a súa propia banda a Rhytm & Blues. Entre os seus títulos máis coñecidos están I Got a Woman, What'd I say,... A súa música vai desde o soul, o blues o Jazz e o rock and roll.
Seguro que disfrutarás con este tema:
1973: Morre o poeta Pablo Neruda.
Tal día coma hoxe de 1973 morría Ricardo Eliecer Neftalí Reyes Basualdo, mundialmente coñecido como Pablo Neruda, o gran poeta chileno.
A súa vida estivo marcada polas viaxes e a política. En España, sendo cónsul de Chile coincidiu cos poetas da "Generación del 27". Durante a guerra civil española púxose de lado dos republicanos, despois afiliaríase ao Partido Comunista Chileno. O seu traballo de cónsul levouno a varios países de Oriente, México , Francia...En 1970 aoiou a candidatura de Salvador Allende para presidente de Chile.
En canto a súa obra, pasa por distintas fases e toca tódolos estilos: modernismo,surrealismo, poesía de denuncia social,...Os seus títulos máis coñecidos son: Crepusculario, Veinte poemas de amor y una canción desesperada, Residencia en la tierra, Canto general, Odas elementales ou a súa autobiografía Confieso que he vivido.
Neste enlace tes toda a información que queiras sobre Pablo Neruda: http://www.neruda.uchile.cl/ E a continuación un poema seu:
Subscrever:
Mensagens (Atom)