Unha curta sobre a confianza nos amigos:
08/12/2012
1980: Matan a John Lenon.
 |
| Fot. de Bob Gruen. |
O 8 de decembro de 1980 un perturbado mental mataba a tiros a John Lennon. Millóns de persoas choraron a súa perda e convertítono nun mito para toda a eternidade.
Fora un dos fundadores do mítico grupo The Beatles con Paul McCartney, George Harrison e Ringo Star e compositor de moitos dos temas da agrupación.
Pero Lennon non era só un músico de éxito. Pasou á historia como pacifista e defensor dos dereitos humanos.Pervivirá para sempre o seu tema Imagine, todo un himno para a humanidade. Ogallá se fixese realidade o soño de Lennon.
07/12/2012
Anuncio: Flagolosina.
Unha chopetada da década dos setenta que aínda existe hoxe...Ensinádeo na casa, veredes como recordan a canción.
1941: "Decreto Noite e Néboa" de Hitler.
O 7 de decembro de1941 Adolf Hitler asinou o "Decreto noite e néboa"( Decreto Nacht und Nebel) que promovía a represión e eliminación física de persoas contrarias ao réxime nazi nos territorios ocupados, dos membros da Resistencia e dos presos de guerra das Forzas Aliadas. O máximo responsable da posta en práctica do decreto foi o xefe das Forzas Armadas Wilhem Kietel. Anos máis tarde, no proceso de Nuremberg este decreto foi declarado crime de guerra, pero os mortos eran miles...
06/12/2012
6 de decembro de 1978
Pasaron os anos e seguimos tendo a mesma constitución que se aprobou en 1978. Rescatei un vídeo onde se pode ver a cobertura informativa no Telediario e algúns anuncios daquel día.
1641: Morre o pintor Van Dick
 |
| Autorretrato. Van Dick |
O 6 de decembro de 1641 morría en Londres o pintor flamengo Anton Van Dick. Foi un neno prodixio, colaborador de Rubens e un experto en retratos e pintura de temática histórica e relixiosa . Desempeñou o cargo de pintor oficial da corte do rei Carlos I de Inglaterra . Entre os seus títulos destacan algúns como Caza do xabaril, Carlos I de cacería, Sansón e Dalila,etc.
No vídeo seguinte poderás admirar a súa obra e disfrutar dos traxes e os peiteados da época:
05/12/2012
1901: Nace Walt Disney
O 5 de decembro de 1901 nacía en Chicago Walter Elias Disney. Fundador da The Walt Disney Company, foi un gran debuxante, animador , guioista e director de cine.
Despois de moitos e moi distintos oficios entrou a traballar como debuxante . En 1922 fundou a empresa Laugh-O-Gram Films, Inc e empezou a facer curtas a partir de contos para nenos. Desta época son títulos como Cinderella ou Puss in Boots. En 1923 despois de facer Alice's Wanderland na que mezclaba acción real e animación a empresa entrou en bancarrota. Logo viñeron outros intentos empresariais e, por fin, a Walt Disney . Coñeces de sobra as súas películas famosas. Hoxe déixoche unha daquelas primeiras películas da Lauh-O-Gram. A calidade da imaxe non é boa pero paga a pena.
1791: Morre Mozart.
 |
| Mozart por Dalla Rosa |
O 5 de decembro de 1791 morría en Viena Wolfang Amadeus Mozart. Con sete anos xa fixo a súa primeira xira europea. Chegou a compositor de cámara do emperador José II. É imposible citar tódalas súas obras, pero entre os seus títulos máis importantes podemos destacar óperas como As vodas de Fígaro, Don Giovanni, A frauta máxica e composicións como o Réquiem, moitas sinfonías, concertos, cuartetos , sonatas, etc.
Aquí vai un anaquiño de A frauta máxica:
04/12/2012
03/12/2012
Un conto en lingua de signos.
Aquí che deixo un conto en lingua de signos. A historia é moi interesante, unha princesa que non quería comer perdices...Porque a muller real non necesita ningún príncipe para ser feliz e porque hai príncipes que esconden sapos no seu interior . Polo respecto das persoas sen importar o seu sexo. Polo respecto das persoas sen importar as súas capacidades. Porque para respectar hai que coñecer.
1919: Morre Auguste Renoir.
 |
| Autorretrato. Auguste Renoir |
O 3 de decembro de 1919 morria en Cagnes-sur-Mer o pintor Pierre-Auguste Renoir. É un dos grandes impresionistas. Nos seus cadros podemos disfrutar do seu gusto pola paisaxe e a figura humana, sobre todo , a da muller. Entre os seus títulos destacan: Lise, Le Moulin de la Galette, Os bañistas, etc.
Mira este vídeo para coñecer a súa obra:
02/12/2012
1859: Nace Georges Seurat.
O 2 de decembro de 1859 nacía en París o pintor Georges Pierre Seurat. Foi o creador do puntillismo. No seguinte vídeo podes ver algúns dos seus cadros, fíxate en como pinta a base de "puntos" de cor. Agardo que che guste, podes experimentar e tratar de facelo ti, por probar...
1923: Nace María Callas.
 |
| María Callas |
O 2 de decembro de 1923 nacía María Kalogeropoulos, María Callas. Foi unha soprano estadounidense de orixe grega. Considerada durante moitos anos a número un da ópera a nivel mundial. Eu creo que é mellor que a escoites . Os expertos din que esta é a mellor Traviata de tódolos tempos:
Subscrever:
Mensagens (Atom)