Anuncio mítico: El Caserío 1994

Premio Liebster Blog

Este blog foi premiado por: http://tirardofio.wordpress.com/

Estou emocionada porque este traballo  foi ditinguido cun premio  Liebster Blog, un galardón que se concede entre blogueiros para animar a  seguir e para  dar a coñecer outros blogues.
O meu premio chega de mans de Helena Villar Janeiro, mestra e amiga admirada. Ela foi testemuña do nacemento do proxecto, da primeira entrada e de tódalas seguintes, por iso, esta distinción é tan importante para min.
Ao aceptar este premio comprometíame a contactar con cinco blogguers que terían que cumplir,tamén eles, as seguintes normas:
1:-Copiar e colar o premio no seu blog ligándoo ao blogger que os premiou.
2.-Premiar eles a cinco blogs deixándolles un comentario nas súas entradas para notificarlles o galardón.
3.- Confiar nelas para que sigan a cadea.
Os meus cinco premiados son:

1)http://trafegandoronseis.blogspot.com.es/, un traballo incrible feito por Anxo e Gracia excompañeiros de traballo que seguen estando entre os meus afectos.
2)http://sonhemos.blogspot.com.es/, de Ana Dorego Rivas, exalumna, unha rapaza coa cabeza moi ben posta que tén moito que contar; o punto de vista dunha rapaza nova, intelixente e prometedora.
3)http://www.eltoupoquefuza.blogspot.com.es/, de Suso Fernández Acevedo, compañeiro de batallas que , cando lle peta, nos dá a súa visión cargada de retranca do que lle preocupa ou lle interesa
4)http://ribadeomuller.wordpress.com/, de Luisa  González Rodríguez , porque é necesario e porque Luisa é unha muller comprometida e íntregra que deixa a alma no que fai.
5) http://xosemanoel.blogspot.com.es/, o blog de Xosé Manuel Bretón que polo seu traballo recorre a nosa xeografía e vai deixando pingas do que ve e do que pensa.

Parabéns aos cinco e a seguir...

Anuncio mítico: Tractores Ebro.

Un de tractores, estes xa non se vén polos camiños...Pregunta na casa como eran, quen foi o primeiro da parroquía en ter un, como facían antes o traballo...

1940 : Nace Eduardo Galeano.

Tal día coma hoxe de 1940 nacía en Montevideo (Uruguay) Eduardo Galeano, ensaísta, pensador, escritor,periodista e home comprometido coas súas ideas e coa sociedade.

É autor de moitas obras,algunhas xa míticas, entre os seus títulos destacan: Las venas abiertas de América Latina, de lectura obligada para entender o xenocidio e a masacre do pobo latinoamericano en tempos do descubrimento de América polos españois. Outros títulos son: Crónica de un desafío, China, Guatemala, un país ocupado;  Los días siguientes, Días y noches de amor y de guerra, Patas arriba. La escuela del mundo al revés, El libro de los abrazos, Los hijos de los días. Non che digo que o leas todo , pero merece tanto a pena botar unhas horiñas con el..., mira na biblioteca seguro que hai algún.

Esta é a súa páxina http://eduardogaleano.org/  , dá unha volta por ela e disfruta da súa palabra.

Aquí déixoche un vídeo no que el le un relato seu, que ninguén nos arrebate o dereito de soñar:

1976: A Viking 2 chega a Marte.

 A Viking II é unha sonda espacial que a NASA mandou a Marte dentro do programa Viking. Foi lanzada o 9 de setembro de 1975, entrou na órbita de Marte o  7 de agosto de 1976 (bota contas !!) e pousouse  en Marte tal día coma hoxe de 1976. Deuse por rematada a súa misión o 11 de abril de 1980.

Neste vídeo podes ver algo sobre como foi a misión:

1973: Morre Tolkien

Tal día coma hoxe de 1973 morría  en Hampshire o escritor británico de orixe surafricana John Ronald Reuel Tolkien. Foi un eminente medievalista, fixo unha edición sobre Sir Gaiwan e o cabaleiro verde e estudou a Chaucer. Pero polo que nos gusta de verdade e pola súa escrita , polo seu universo máxico que nos traslada a lugares inimaxinables con personaxes magníficos froito do seu maxín. Era un crack, non so inventou un universo e unha historia , senón que creou a súa propia mitoloxía e mesmo unha linguaxe para a súa obra. De entre todos  os seus libros destacan  O hobbit e a triloxía de O señor dos aneis. Quen non coñece algo de Tolkien? Quen non veu polo menos unha película? 

Aquí che deixo un pequeno documental, a ver se che gusta...

1666: Gran incendio de Londres.

Tal día coma hoxe de 1666 era domingo  e a cidade de Londres empezou a arder ata o día 4 de setembro. As lapas queimaron a cidade medieval  que estaba rodeada  por una muralla. Considérase unha das maiores traxedias da historia de Londres. 80000 persoas quedaron sen fogar  e arderon moitos edificios entre eles a Catedral de San Pablo e o Concello de Londres. O lume iniciárase  nunha panadaría e arrasou con todo o que  atopou. Hai moitas obras de arte que reflexan esta traxedia.

Anuncio mítico: O Fertimón.

Made in feito na casa.