1876: Nace Ramón Cabanillas.

O 3 de xuño de 1876 nacía en Fefiñáns (Cambados) o poeta Ramón Cabanillas Enríquez. Un dos poetas do seu tempo máis comprometidos coa loita agrarista e co proxecto das Irmandades da Fala. Asiduo colaborador de A Nosa Terra. Proclamado por moitos como Poeta da Raza, pretendía coa súa obra educar ao pobo e achegalo á causa nacionalista.

Entre a súa produción destacan títulos como Da terra asoballada, as obras dramáticas A man da Santiña ou O Mariscal, os poemarios Na noite estrelada e A rosa de cen follas ou  outros como Antífona da Cantiga, Da miña zanfona, Versos de alleas terras e tempos idos e Samos.

1963: Queda abolida a escravitude en Arabia Saudí.

O 2 de xuño de 1963 o príncipe rexente ,Faysal Ibn Abd Al-Aziz, de Arabia Saudita emitía un decreto polo que quedaba abolida a escravitude no seu país. Con esta nova lei ordeaba aos seus súbditos que deixaran de facer traballar aos outros no seu proveito sen pagarlles un xornal. 

Faisal pasou á historia polas súas ideas  reformistas e modernizadoras e tamén pola súa ansia panislamista, anticomunista e antisionista.  Reinou en Arabia Saudita entre 1964 e 1975, cando foi asasinado por seu sobriño , Fasal bin Musa'id. Sucedeuno no trono seu irmán, Jalid bin Abdelaziz.

1968: Morre Hellen Keller.

O 1 de xuño de 1968 morría en Easton (Pennsylvania) a escritora estadounidense Helen Adams Keller. Era cega , xorda e muda, pero iso non lle impediu adquirir grandes coñecementos e publicar unha morea de libros ademais de levar a cabo unha importante labor social. Entre os seus títulos destacan: Historia da miña vida, A canción da parede de pedra, A miña relixión ou A porta aberta. 

Todo isto non sería posible sen o traballo feito pola súa institutriz, Anna Sullivan, que a educou e lle ensinou a comunicarse co mundo. Grazas a ela, Hellen conseguiu entrar na Universidade de Radcliffe e graduarse con honores. 

Anne e Hellen adicaron as súas vidas a percorrer o país  dando conferencias  na procura de mellores condicións de vida para as persoas invidentes. 

As vidas de Hellen e Anne foron levadas a escea en varias ocasións. Velaí o trailer dunha das películas que contan a súa historia , The miracle worker  (1962) con cadanseu Óscar para as dúas protagonistas.

Dragonboy

Unha historia moi, moi tenra...

1778: Morre Voltaire.

O 30 de maio de 1778 morría en París o escritor e filósofo francés François-Marie Arouet Voltaire. É un dos máximos representantes da Ilustración francesa. A súa primeira obra literaria foron uns versos satiricos dirixidos contra o duque de Orleans que o levaron ao cárcere da Bastilla. Máis tarde foi exiliado a Gran Bretaña onde coñeceu a fondo a filosofía inglesa. En 1734 publicou Cartas filosóficas ou Cartas inglesas o que lle valeu unha nova orde de arresto que evitou refuxiándose en Citey. En 1746 ingresou na Academia Francesa despois de ser nomeado historiador real, pero as desavencencias co rei levárono ata a corte prusiana primeiro e a Suiza, despois. Era partidario dunha relixión natural e defendía o despotismo ilustrado. Loitaba desde os seus escritos contra a intolerancia ,a superstición e o fanatismo relixioso. Entre os seus títulos máis importantes están: Edipo, Elementos da filosofía de Newton, Tratado sobre a tolerancia, Diccionario filosófico, Comentario sobre o libro dos delitos e as penas e o seu famoso, Cándido ou o optimismo.
No seguinte enlace podemos ler moitas das frases que Voltaire deixou para a posteridade: http://www.proverbia.net/citasautor.asp?autor=1029&page=2.

1958: Morre Juan Ramón Jiménez.

O 29 de maio de 1958 morría en San Juan de Puerto Rico o poeta andaluz Juan Ramón Jiménez. Unha das grandes figuras das letras en español , figura chave entre o Modernismo e a chamada "poesía pura". Na  súa obra pódense diferenciar varias etapas: Unha primeira época con predominio do musical  na que publica Elejías puras , Sonetos espirituales ou a súa famosísima Platero y yo. A segunda etapa comeza con Diario de un poeta recién casado  e continúa con Etenidades, entre outras. Despois da Guerra Civil exiliase e consegue o Premio Nobel  (1956), desta época é Tercera Antolojía.

No seguinte enlace pódese atopar toda a información relativa a vida e á obra de Juan Ramón Jiménez: http://www.fundacion-jrj.es/juan-ramon-jimenez/escucha-a-juan-ramon/

A continuación a versión que fixo o actor Paco Valladares do seu poema "El viaje definitivo." 

1878: Morre Benito Vicetto.

Añadir leyenda

O 28 de maio de 1878 morría en Ferrol o escritor e historiador galego Benito Vicetto. 

A súa obra máis destacada é Historia de Galicia , peza fundamental para o renacemento da historiagrafía galega, sete tomos que repasan a historia do país desde a Prehistoria ata Isabel II. Tamén é autor  dunha novela en español que acadou renome no seu  momento, Los hidalgos de Monforte, que  conta o enfrontamento entre o Conde de Lemos , leal á raíña Isabel, e os irmandiños do Mariscal Pardo de Cela. Ademais é autor doutros títulos como El caballero verde, El arquero y el rey, Los reyes suevos en Galicia, El lago de LImia e moitas outras obras de historia, ficción e poesía.

Considerábase a si mesmo o fundador do Rexionalimo . 

1878: Nace Isadora Duncan.

Tal día coma hoxe de 1878 ( ¿77? )nacía en San Francisco (EE.UU.) a bailarina Isadora Duncan. No seu tempo foi unha renovadora da danza non só polas súas túnicas que recordaban as imaxes gregas ,tamén polos seus movementos rítmicos e as súas posturas de estatua. Moitos considérana a creadora da danza moderna. En 1927 publicaba a súa Autobiografía na que explicaba a orixe da súa danza, moi marcada pola música aprendida na casa e polas obras de arte da Grecia Antiga. Tivo unha vida persoal moi tormentosa , chea de traxedias . Sen dúbida, pasou á historia non só por ser bailarina ( ao principio non era aceptada a súa maneira de bailar), senón tamén pola súa tráxica morte que a converteu nun mito: morreu estrangulada polo seu propio foulard que se enredou nas llantas do descapotable no que viaxaba. Un vídeo con algunhas fotografías da súa vida: