Colosse: a wood tale

Un conto fermoso:

1883: Morre Manet.

O bar do Folies-Bergère (Manet)

 O 30 de abril de 1883 morría  en  París o pintor francés  Édouard Manet. Foi un dos precursores do impresionismo cunha pintura  baseada nun  colorido moi luminoso e cunha pincelada moi solta.  Na súa obra rompe coa pintura tradicional  chegando a provocar o escándalo con algúns dos seus cadros nos que reproducía corpos espidos.  Entre os seus títulos máis importantes están: Merenda campestre, O tocador do pífano, Lola de valencia, Nana, Olimpia , etc. No seguinte enlace podemos disfrutar dalgúns dos seus cadros:
http://www.ibiblio.org/wm/paint/auth/manet/

A continuación un vídeo no que disfrutar da súa obra acompañada de boa música:

1933: Morre Kavafis.

O 29 de abril de 1863 nacía en Alexandría ( Exipto)  e o 29 de abril de 1933 morría en Atenas o poeta grego Constantin Kavafis. É recoñecido por ser un dos máis grandes poetas da Grecia do século XX e por ser o impulsor do renacer da lingua grega para o mundo da Literatura.

Os temas principais da súa produción foron a sensualidade, o amor homosexual, a impotencia ante a fugacidade da beleza... A súa poesía  reborda de poder evocador e de sensualidade. 

A súa obra foi máis coñecida no resto de Europa que no seu país. Só compuxo uns 150 poemas que se publicaron por vez primeira despois da súa morte , en 1935, seguindo as ordes que el deixara no seu testamento.

No seguinte enlace podemos ler algún dos seus poemas: http://www.ciudadseva.com/textos/poesia/cavafis2.htm

Velaí unha versión do seu poema Ítaca:

1977: Legalización dos sindicatos en España.

[Madrid : PTE : PCU, 1977]
(La Coruña : Gráficas Rigar).

O 28 de abril de 1977 legalízanse os sindicatos en España despois de 4 décadas de ditadura franquista. Por fin,  CC.OO., UGT , USO e demais sindicatos presentan os seus estatutos no Ministerio de Relaciones Sindicales para conseguir a tan arelada legalización trala aprobación da lei que regulaba o decreto de asociación sindical.

The Super Rope Solution

Cando  a preguiza, a avaricia e a gula se xuntan ...,o resultado pode ser fatal.


The Super Rope Solution - Animated Short from Auke de Vries on Vimeo.

1898: Nace Vicente Aleixandre.

Vicente Aleixandre

O 26 de abril de 1898 nacía en Sevilla o poeta ,Premio Nobel de Literatura, Vicente Aleixandre.

É considerado o pai do verso libre  na poesía española moderna. Na súa primeira etapa destacan as obras de temática amorosa: Espadas como labios ou La destrucción o el amor. Nunha segunda etapa ,marcada pola historia e a preocupación cívica ,destacan títulos como  Sonidos de la guerra ou Diálogos del conocimiento. En prosa escribiu varios libros sobre poetas españoles e unha sobre Picasso . 

No seguinte enlace podemos recordar algún dos seus poemas máis coñecidos: http://www.amediavoz.com/aleixandre.htm#

A continuación un vídeo dun poema de Vicente Aleixandre na súa propia voz:

1953: Descubren a molécula do ADN.

Watson e Crick

Tal día coma hoxe de 1953 os científicos Watson e Crick daban a coñecer á revista Nature o descubrimento da estrutura molecular do ADN. 

Hoxe sabemos que  está formada pola unión de miles de subunidades denominadas nucleótidos. Hai catro tipo de nucleótidos, o lugar en que están dispostos na cadea  constitúe a linguaxe na que está escrita a información xenética. Cada molécula  de ADN está formada por dúas cadeas de nucleótidos. Esta cadea dobre prégase sobre sí mesma formando unha dobre hélice.

Non se imaxinaban Watson e Crick as consecuencias que os seus estudos terían para a humanidade. A xenética avanza a pasos axigantados e , se as leis o permiten, dentro dalgúns anos veremos grandes avances na prevención de enfermidades dexenerativas, en doenzas "raras" e en moitos males que son hoxe causa de morte e sufrimento para moitas persoas.

1867: 1ª Asemblea do Ku-Klux-Klan

O 24 de abril de 1867 tivo lugar en Nashville (EE.UU.) a primeira asemblea do Ku.Klux-Klan (KKK), unha serie de organizacións de extrema dereita que predicaban e predican a supremacía da raza blanca, o antisemitismo, o racismo, o anticatolicismo, o anticomunismo, a xenofobia e o xeocentrismo. Os seus métodos baséanse na violencia e na intimidación queimando cruces para aterrorizar ás súas vítimas.

Esta organización xurdeu xusto despois da Guerra de Secesión americana, foi fundada por veteranos de guerra para evitar que a poboación negra acadase os dereitos que a vitoria do Norte na Guerra Civil  lles concedía. En realidade, xa en 1865 houbera un intento de creación de algo parecido, pero podemos dicir que é agora cando se integran os distintos grupos xurdidos nunha soa organización.

O triste  de todo este asunto é que o KKK sigue campando nos EE.UU. Agora atacan tamén a hispanos e asiáticos aos que consideran unha ameaza. Por sorte, non o fan tan abertamente como antes porque non é politicamente correcto e os movementos prodereitos civís serviron para algo, aínda así é triste que sigan existindo.

A esta xente haberia que explicarlles un par de cousiñas sobre a "supremacía étnica"...