1897: Nace William Faulkner.

Tal día coma hoxe de 1897 nacía o escritor estadounidense William Faulkner. Está considerado pola crítica coma  un dos mestres da literatura americana e o mellor cronista dos cambios que se produciron no seu país a partir da Guerra de Secesión. Empezou cun libro de poesía, O fauno de mármore , pero despois adicouse a escribir relatos onde describía a violencia que estaban vivindo  os estados do Sur. Era un mestre nas técnicas narrativas, manexaba á perfección o multiperspectivismo, o monólogo interior e a fusión do tempo pasado co presente. Non é doado de ler, as frases son moi longas e ás veces resultan enrevesadas ,esixe certo esforzo por parte do lector. Entre os seus títulos destacan: Luz de agosto, Absalón, Absalón!, Os invictos, Réquiem por unha muller...

Aquí vai un vídeo cun poema de O fauno de mármore, é un pouco lento, pero sírveche para ver como era o seu estilo. 

1849: Morre Johann Strauss pai.

Tal día coma hoxe de 1849 morría en Viena Johann Strauss, pai. Foi un famoso compositor e director de orquesta austriaco. Mestre no vals vienés , chegou a compoñer máis de 250 obras entre valses, galops e polcas. Entre as súas obras hai que destacar a Marcha de Radetzky.
Tivo un fillo chamado coma el  que pasou á historia polos seus valses: O Danubio azul ou Vals do emperador, entre outros.

Coñecíala, non?

Anuncio mítico: Zumosol 1995

 

Pregunta na casa a ver se recordan o anuncio do "primo de Zumosol".

1905: Nace Severo Ochoa.

Tal día coma hoxe de 1905 nacía en Luarca (Asturias) o médico e bioquímico Severo Ochoa. Tivo que marchar a EEUU para desenrolar a súa carreira , alí viviu entre 1941 e 1985 e alí fixo importantes investigacións sobre a síntesis dos ácidos ribonucleico e desoxiribonucleico. Foi Premio Nobel de Fisioloxía e Medicina en 1959 e Premio Santiago Ramón y Cajal en 1982.

1869: Black Friday.

O 24 de setembro de 1869 produciuse en EE.UU unha tremenda caída no mercado financieiro. Tivo lugar porque un grupo de financieiros intentou acaparar o mercado do ouro, isto provocou unha situación de pánico que trouxo consigo unha depresión.

Agora úsase o termo orixinal ,"black friday", para facer referencia a calquer desastre nos mercados financieiros.

A outra gran depresión da historia da bolsa tivo lugar o  24 de outubro, xoves, de 1929 en New York.

Anuncio mítico: Brandy Fundador 1991

Fíxate en como mezcla os tópicos españoles: cabalo andaluz, touros, mulleres guapas..., con imaxes de cidades internacionais para converter o brandy Fundador en símbolo internacional de España.

1930: Nace Ray Charles.

Tal día coma hoxe de 1930 nacía Ray Charles, un cantante , pianista e compositor americano. A súa imaxe vai unida sempre ás oscuras lentes negras coas que tapaba os ollos , quedara cego aso 6 anos. Aos 15 empezou unha magnífica carreira musical. En 1954 e despois de tocar en distintos grupos, creou a súa propia banda a Rhytm & Blues. Entre os seus títulos máis coñecidos están I Got a Woman, What'd I say,... A súa música vai desde o  soul, o blues o Jazz e o rock and roll.

Seguro que disfrutarás con este tema:

1973: Morre o poeta Pablo Neruda.

Tal día coma hoxe de 1973 morría Ricardo Eliecer Neftalí Reyes Basualdo, mundialmente coñecido como Pablo Neruda, o gran poeta chileno.

A súa vida estivo marcada polas viaxes e a política. En España, sendo cónsul de Chile coincidiu cos poetas da "Generación del 27". Durante a guerra civil española púxose de lado dos republicanos, despois afiliaríase ao Partido Comunista Chileno. O seu traballo de cónsul levouno a varios países de Oriente, México , Francia...En 1970 aoiou a candidatura de Salvador Allende para presidente de Chile.

En canto a súa obra, pasa por distintas fases e toca tódolos estilos: modernismo,surrealismo, poesía de denuncia social,...Os seus títulos máis coñecidos son: Crepusculario, Veinte poemas de amor y una canción desesperada, Residencia en la tierra, Canto general, Odas elementales ou a súa autobiografía  Confieso que he vivido.

Neste enlace tes toda a información que queiras sobre Pablo Neruda: http://www.neruda.uchile.cl/ E a continuación un poema seu: