1940: Nace Briam de Palma

Tal día coma hoxe de 1940 nacía en EE.UU. o director e guionista de cine Briam de Palma.

É un home de fonda formación científica, incluso estudiou a carreira de Física e gañou varios premios científicos cando era mozo.  Pero na década dos 60 descubriu o cine e aí empezou todo. A súa lista de obras está chea de grandes éxitos e de grandes  fracasos. Eu só che vou  citar as que seguro que viches anque non souberas que eran súas. Por exemplo: Os intocables de Elliot Ness, Carrie, Misión Imposible, Caracortada, Greetings,...

Viches algunha? Pois agora xa sabes, de Briam de Palma.

Esta igual che pon os pelos de punta:

1524: Nace Pierre Ronsard

Tal día coma hoxe de 1524 nacía  o poeta francés Pierre de Ronsard. Era xordo. En 1550 publicou  Odas, unha serire de obras  que seguían o estilo de Horacio e Píndaro; despois , Amores e Continuación dos amores. Na súa época os  seus poemas valéronlle o título de "príncipe dos poetas franceses" . Outros títulos seus son: Himnos, Discurso sobre as miserias deste tempo, Elexías, mascaradas e pastorais, Sonetos para Elena, etc.

O que sigue é o enlace dunha páxina adicada á  súa obra:

http://amediavoz.com/ronsard.htm

E este un vídeo cun tema basado nun poema seu, en francés, claro.

Anuncio mítico: Delapierre anos 60

1645: Morre Quevedo.

Tal día coma hoxe, morría en Villanueva de los Infantes Francisco de Quevedo y Villegas. Foi un poeta moi versátil, cultivou tódolos xéneros e dominou tódolos metros. Estribiu tanto poemas festivos, como satíricos, amorosos, de carácter moral,  ou de sabor popular. Pero tamén foi un gran prosista,  escribiu obras didácticas, morales, religiosas, políticas, satíricas e burlescas.  Entre os seus títulos maís destacados citamos: Los sueños,  Grandes anales de quince días, El Buscón,Tratado de la providencia divina, en prosa; as súas poesías recolléronse postumamente en varias antoloxías:  El parnaso español e Las tres musas últimas castellanas.

Era un xenio da palabra pero era un antisemita encarnizado e un misóxino incorrexible, aínda así é un dos xenios das letras españolas.

Aquí che queda un enlace para ver os seus poemas: http://www.usc.es/~quevd/

Aquí vai un dos poemas de amor máis fermosos de tódolos tempos:

1841: Nace Dvorak

Tal día coma hoxe de 1841 nacía o compositor checo Antonin Dvorak. Pasou  á historia pola súa Sinfonía no novo mundo. Din os expertos que as súas obras están moi influidas polo folclore eslavo. Listz foi o seu mecenas e protector e grazas a el poido  representar e estrenar varias óperas como  Alfred, Wanda. Dimitri, Jacobin, etc. Tamén compuxo danzas eslavas , por exemplo, Dumky.

Aquí che queda un fragmento de Sinfonía do novo mundo.

Anunico mítico: Pirulo Tropical de Miko 1996

Dime a verdade: Este anuncio non ten moito xeito, non??

1947: Nace Gloria Gaynor.

Tal día coma hoxe de 1947 nacía en EE.UU Gloria Fowler, de nome artístico Gloria Gaynor. É unha cantante americana que seguro que che soa. Entre os seus títulos  máis coñecidos están I Will Survive, Never can say goodbye, I am what I am.
Empezou a súa carreira na banda  Soul Satisfiers pero o éxito chegoulle en solitario  con un son inconfundible, con letras cargadas de mensaxes , foi durante máis de 20 anos a raíña das discotecas.
Aquí che queda un dos seus éxitos:

1962: Morre Isak Dinesen.

Tal día coma hoxe de 1962 morría Karen Blixen, coñecida como Isak Dinesen, escritora danesa.  Viviu anos en Kenia adicándose ao cultivo do café, cando voltou a Dinamarca publicou Sete contos góticos, Memorias de África e Contos de inverno, que lle deron fama mundial. Outros títulos seus son Sombras na herba, Últimos contos, Cartas desde África.

 A súa vida foi coñecida polo gran público coa adaptación ao cine de Memorias de África, unha das grandes películas da historia do cine que deberías ver. Déixoche aquí a BSO para que che entren ganas de vela: fotografía, música, actorazos, vestiario, ambientación...non tén desperdicio. Non perdas máis tempo e busca un momentiño para vela, pode que a teñan na túa casa ou na de algún amigo , ou na biblioteca...Tes que vela!!