The forest.

1858: "Nacen" as pegadas dixitais.

Din que o 28 de xullo de 1858 o inglés Sir  William Herschell foi o primeiro en usar as pegadas dixitais como método de identificación persoal. Era o principal maxistrado  do distrito  Jungipoor da India e usou as primeiras pegadas dixitais para asinar os contratos cos nativos . Realmente, tirou a idea dun negociante local , Rajyaadhar  Kunai, que usaba a impresión da súa man na parte posterior dos contratos.

Que conste que xa na antigüidade se usou algo parecido, de feito, apareceron restos en arcilla dalgún xeito de pegada dixital en Babilonia, China ou Persia.

1953: Armisticio de Panmunjeon.

O 27 de xullo de 1953 asinábase en Panmunjeon un acordo que poñía fin á guerra de Corea, a partir de entón  ese punto xeográfico converteuse no símbolo da división ideolóxica, militar e territorial das dúas Coreas.A guerra librouse entre o 25 de xullo de 1950 e o día do armisticio e na práctica enfrontou ao mundo capitalista (EE.UU. e países afíns) apoiando a Corea do Sur e ao mundo comunista (Unión Soviética e China) apoiando a Corea do Norte .

O problema é que a guerra rematou cun armisticio pero sen tratado de paz polo que a Península de Corea está en permanente estado de guerra...

Have you seen my sister Evelyn

Unha verdadeira xoia. Marabillosa !

Often a bird

Música e imaxe xuntas:
:

1933: Wiley Post,primeira volta ao mundo en solitario.

O 22 de xullo de 1933 o piloto Wiley Post completaba  a primeira volta ao mundo en solitario a bordo do  Lockheed Vega Winnie Mae despois de facer 25100 kilómetros en sete días, 18 horas e 49 minutos. O piloto comezara a súa aventura desde  New York o día 15 de xullo rumbo a Berlín onde fixera escala para seguir hacia a URSS, Alaska, Canadá e volta a N.Y.

Post diante do seu avión Winnie Mae

1944: Operación Valquiria.

O 20 de xullo de 1944 o exército alemán intentou un golpe de estado para botar  do poder a Adolf Hitler e facerse co goberno. O atentado foi levado a cabo por un grupo de  oficiais da Wehrmacht ás ordes  de Claus von Stauffenberg, un coronel do exército membro da nobreza alemá, na chamada Operación Valquiria.

 Un maletín-bomba estoupou na Wolfsschanze ( "A guarida do lobo"), o cuartel xeral de Hitler, pero o Führer sufreu só feridas leves.

Que tería pasado se a operación non fracasase? Cal tería sido o rumbo da historia mundial? Nunca o saberemos. 

1848: 1ª convención polos dereitos das mulleres.

O 19 de xullo de 1848 tivo lugar a Convención de Séneca Falls, a primeira convención sobre os dereitos da muller en EE.UU., considerada a base do feminismo estadounidense, mesmo mundial.  Foi organizado por Lucretia Mott e Elisabeth Cady Stanton. Como resultado de tal reunión publicouse a Declaración de Séneca Falls, a Declaración de Sentimentos. Este documento está basado na Declaración de Independenza dos EE.UU. e nel reclaman para as mulleres o dereito de poder votar, de poder presentarse a eleccións, de poder ocupar cargos públicos, de poder afiliarse a organizacións políticas e asistir a reunións. O normal, non? Ninguén fala disto, pero grazas a esta convención estamos hoxe onde estamos, o problema é que aínda hai moitos países nos que non  se enteraron. Toca seguir  loitando polos dereitos de tod@s, non??

1793: Guillotinan a Charlotte Corday.

A morte de Marat de Jacques-Louis David.

O 17 de xullo de 1793 morría na guillotina Marie Anne Charlotte Corday d'Armont, máis coñecida como  Charlotte Corday.

Madame Corday pasou á historia polo seu protagonismo na Revolución Francesa no bando dos xirondínos e por ter asasinado a Jean Paul Marat, líder do bando xacobino.

O asasinato de Marat converteuse axiña en tema para obras literarias ( Histoire des girondins de Alphonse de Lamartine ou Marat/Sade de Peter Weiss, por exemplo) e pictóricas (Paul-Jacques-Aimé Baudry, Jacques Louis David ou Santiago Rebull, entre outros, pintaron a escea).
O seu crime valeulle a Charlotte o sobrenome de "o anxo asasino"...

1967: Quiroga Palacios consagra a igrexa de Aguiño.

O 16 de xullo de 1967 foi consagrado o templo parroquial de Aguiño, no concello coruñés de Ribeira. O dato non tería maior interés de non ser porque é o primeiro templo da era moderna con inscripcións en galego. A súa consagración correu a cargo do cardeal Quiroga Palacios que deu nesa ocasión a súa primeira misa en galego,converténdose así no primeiro cardeal en empregar a nosa lingua no culto relixioso católico.
Aquel foi un pasiño importante no camiño da normalización da nosa lingua, mágoa que agora queiran que andemos ao revés.

Teu nome por mar e terra.

Toca disfrutar dunha xoita feita na terra:

"Rato á venda"

Sempre hai alguén á nosa medida , o caso é dar con el...

1908: Olimpiadas de Londres.

Dorando  Pietri chegando á meta.

O 13 de xullo de 1908 tivo lugar a cerimonia de apertura dos  IV Xogos Olímpicos da Era Moderna que tiveron lugar en Londres. O acontecemento estivo  presidido polo rei Eduardo VII e  nel participaron 2008 atletas( 37 deles mulleres)  de 22 países que por primeira vez desfilaron  por estados.

Un dos momentos máis lembrados desta edición olímpica é a chegada á meta do atleta Dorando Pietri na proba de Maratón que despois de 42 km , a piques de caer, desorientado, sen saber por onde seguir, foi axudado a cruzar a liña polos fiscais de pista e a continuación desmaiouse. Os xuíces descalificárono e perdeu o seu título. A raíña Alexandra para compensar o seu esforzo  regaloulle unha copa de ouro.

O poeta danés.

Unha historia ben contada. Toca disfrutar dun traballo ben feito.

Un xenio do violín: Ara Malikian.

A disfrutar...

Miró a ritmo de jazz.

Para pasar un momento agradable. Revisar a obra de Miró a ritmo de jazz:

20 anos

Unha curta fermosa , conmovedora, triste...

1893: Morre Guy de Maupassant.

O 6 de xullo de 1893 morría en París o escritor francés Guy de Maupassant. Foi un escritor de vocación tardía, empezou a escribir aos 30 anos animado por  Flaubert. Máximo  representante do Naturalismo francés, foi un gran narrador.  Fiel aos ditados do movemento naturalista, Maupassant era un gran observador, con gran capacidade para o retrato de personaxes e de ambientes, capaz de retratar cun pouso amargo e despiadado a sociedade pequenoburguesa da súa época. Entre a súa obra sobresaen algúns dos seus contos, entre eles Bola de sebo; as súas novelas Unha vida e Pedro e Xan, Bel ami ou O noso corazón; amén de libros de relatos como  A casa Tellier, Os contos da Bécasse  ou As irmás Rondoli. A mala fortuna fixo que a última década da súa vida a pasara cunha precaria saúde mental, de feito, morreu nun sanatorio psiquiátrico.

A continuación deixo o enlace para ler o texto completo do relato Bola de sebo: http://www.ciudadseva.com/textos/cuentos/fran/maupassa/bola_de_sebo.htm

1943: Batalla de Kursk.

Mapa da batalla

O 5 de xullo de 1943 comezaba a batalla de Kursk, a maior loita entre carros blindados da historia bélica. Enfrontaba as tropas alemás e as soviéticas e durou ata o 23 de agosto do mesmo ano. 

Coñécese tamén como  "Operación Ciudadela" porque era o seu nome en clave . Tivo lugar na rexión rusa de Kursk e movilizou a milleiros de homes e de máquinas: fálase de máis de 1.300.000 soldados e máis de 6000 vehículos entre cazas e tanques  só da parte rusa. 

Rematou coa victoria do bando soviético.